Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 17

Txãa thẽˈjsaweˈsx tadxiisa ¿maˈw puˈçxhitxkx kweˈsxtxis

Txãa thẽˈjsaweˈsx tadxiisa ¿maˈw puˈçxhitxkx kweˈsxtxis

Malaui

Pkhakheçxa kaseˈjya Dxus yuwes ptaˈsxya

Dxus yuwes ptaˈsxna

Pkhakheçxa thẽˈjsaweˈsx yakh puˈçxhya ũsta

Fxiˈjni Griegas yu kxsusuˈjne Bernabe vxiteˈ apostol Pablos. Txãa thẽˈjsaweˈsx tadxiisa yu paˈjsaneta yũu pkhakheni Dxus yatsu selpiisa txãa eensu. ¿Kĩh yũuçxa kitx paˈjn ũssuˈ? Pablo Yakhthẽˈjweˈsxtxis wẽdxçxane thegna maˈw ũstewa, paˈjn ũssuˈ ew ũus kaayahkxjya. Yahkxmeene jxuˈjtewa uˈjn ũssuˈ yakhthẽˈjweˈsxtxis kçxhãçxhajya (Hechos 15:36). Ãçxhweˈsx thẽˈjsa tadxiisa txaˈwẽyçxaneta yũu.

Paˈjaneta kçxhãçxhajya. Añote jeˈzusneta paˈja thẽˈjsaweˈsx tadxiisa, khĩiçxa 20 ãhteneta pkhakheni Dxus yatsu selpiisa kxtee teeçx kiˈsuneta neyũu. Txaawẽˈsx ptaamsa wala jiisanayã kweˈsxtxis puˈçxhineta. Txaawẽˈsxa ih neta ũswẽje yakhthẽˈjweˈsx yakh puˈçxhna, Dxus yuwes ptaˈsxna vxitetxis kaapiyaˈjya. Txãa thẽˈjsaweˈsx tadxiisa paˈjaneta yakhthẽˈjweˈsx yatsu, thẽˈjsaweˈsx yakh puˈçxhya. Khĩiçxa txaawẽˈsxa nasa ksxaavxte weˈweneta txaˈwẽy pkhakheni Dxus yatsu selpiisa vxite pkhakheni walasu txaawẽˈsxtxis kçxhãçxhajya (Hechos 15:35).

Jxukasaytxisne kũh yaakxi. Thẽˈjsaweˈsx tadxiisa wala kũh yahkxneta yakhthẽˈjweˈsxtxis, wala ew ũus kaayahkxjya pkhakheni Dxus yatsu. Txaˈwẽy thẽˈjsaweˈsx tadxiisa pkhakheneta thẽˈjsaweˈsx yakh vxite thẽˈjsaweˈsx selpii puˈçxhsa, maˈw ũstewa ew yuˈkxpeheneta. Saˈ puˈçxhna nes selpiiyũusaˈs Dxus yuweˈs ew ptaˈsxya. Txaawẽˈsx wala ew wẽt yahkxneta txãa piyasa kweˈsx yakh pkhakhen ũste. Dxus eça naˈjĩk: “mjĩi puˈçxsaˈ ayte kweˈsxtxi selpisáa jĩneˈkwe” (2 Corintios 8:23). Thẽˈjsaweˈsx tadxiisa naˈwẽy yũu jiˈphnetkhaˈw (Hebreos 13:7).

  • Thẽˈjsaweˈsx tadxiisa pkhakheni Dxus yatsu selpiisa ¿kĩh yũuçxakitx paˈja?

  • ¿Idxaˈs maˈw puˈçxhik txãa thẽˈjsaweˈsx tadxiisa paˈjte?