Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 14

¿Kĩh jxpaˈkan ũstxkx piyani yat Dxus yuwe nes ptaˈsxsa?

¿Kĩh jxpaˈkan ũstxkx piyani yat Dxus yuwe nes ptaˈsxsa?

Estados Unidos

Piyani yat Galaad (Patterson, Nueva York)

Panama

Jeuwa kaajiˈyusaweˈsxa wala jxthuhthesayã Dxus eç piyanis. Jeuwa kaajiˈyusa jiˈphyã piyani yat, kxtee Dxus yuwe nes ptaˈsxwaˈjsatxis kaapiyaˈjya. Txaˈwẽy Dxus yuwes ew kaapiyakan (2 Timoteo 4:5).

Piyani yat Dxus yuwe nes ptaˈsxsa. Txãa nes selpiisa Dxus yuwe ptaˈsxsaˈs, 6 een ne thẽeyũu piyani yatsu. Utxaasuneta Dxus jxkaahwaˈjaˈs weˈwni yatsu vxitu. Txãa nes selpiisa teeçx año mjĩiwaˈj jiˈphyã kxtee ũsweçxa. Txãa piyani yatsu uˈjçxa wejxkwe Jeuwa tasxte utxaaya ãjaˈyã, puˈçxhina jxuka Dxus yuwes ptaˈsxya, saˈ txaawẽˈsx nes yũuyã selpiin.

Dxus jxkaahwaˈjaˈs ptaˈsxya piyani yatsu. Naa piyani yatsu jeˈz aˈteneta thẽeyũu piyan, txãayũu ptamsaweˈsxjĩina vxite knasaweˈsxjĩi, saˈ piçthakx weˈsxjĩi. Txaawẽˈsxa nes selpiisa 23 vxiteˈ 65 año jiˈphsa mjĩisayã uˈjya ãjayã, txãwçxa kĩhte paˈyatewa uˈjeyã. Jesus naˈwẽy wejxkwe Dxus yuwes nes ptaˈsxsana naa kiwete jxuka wala jxthuhthesa ũsyã. Txãajĩi: “Ayte ũsthu !Adxaˈs kaah!” (Isaías 6:8; Juan 7:29). Vxite ahte selpiiyã uˈjçxa leˈçxkwe jiˈphçxawa wẽçxaaneta, stxãahaˈ jiˈphunega açxa maakxyũu, eçe maakxyũu, kĩhneta ũˈwe txaˈwẽy ũˈn, nasaweˈsxtxis wẽdxçxaneta txãw yũu. Saˈ vxite yuwe piyan. Naa piyani yatsu kaapiyaˈjaneta kĩhwa ew ũus yahkxnisaˈs jiˈphuya, kĩhte uˈjtewa txãayũu wala puˈçxhina. Kxteeyũu kaapiyaˈjayã Jeuwaˈs vxite phewjnisaˈs wejxkwe puˈçxhya.

Dxus eçyakh Piyani yat Galaad Watchtower. Naa Galaad, Hebreo yuweteyu “kaajiˈyusana txãa kwet kmuçuˈjni”. Naa piyani yat 1943 añote ne takh. Txãa eensuy kaseˈjneta 8000 thakwe Dxus yuwes vxite kiwesu nes ptaˈsxsya (Hechos 13:47). Peru kiwasu, txaawẽˈsx khwẽˈyneta paˈj, kĩhwa pkhakheni Dxus yatsu selpiisa meeneyũu, ãçxh kaayũu 1274 thakwe ũsyã. Txaˈwẽy Japon kiwesu, txaawẽˈsx khwẽˈy paˈjte 10 nasaçxaaneta ũsuˈ, nawa naa eensu 200.000 thakweyã ũsyã. Txãa piyani yatsu 5 aˈte ne thẽeyũu, kxtee yũu wala ew piyaneta Dxus yuwes. Kxtee piyasaˈs wala kçxhãçxhawaˈjaˈs kaapiyaˈjaneta Dxus yuwes ptaˈsxya. Txaˈwẽy piyani yatsu piˈkineta txãa nes selpiisa txaawẽˈsxçxa fxiysayã, saˈ Dxus yuwes vxite kiwesu nes ptaˈsxsa uˈjsaweˈsxaˈs, vxiteˈ thẽˈjsaweˈsx tadxiisa, saˈ maii mjĩisa vxitni yatsu txaˈwẽy.

  • ¿Kĩh yũuwa selpiikx piyani yat Dxus yuwe nes ptaˈsxsa?

  • Dxus jxkaahwaˈjaˈs ptaˈsxya piyani yatsu ¿kimweˈsx uˈjya ãjaˈtxkx?