Ji'phna kxtee me'jwe

Kxtee nyaafxte me'jwe

Jeuwa Kaaji'yusa

Txitxh yuwe nasa yuwe

 FXIˈJNISA 1

¿Kimweˈsx yuhkxthaˈw Jeuwa kaajiˈyusa?

¿Kimweˈsx yuhkxthaˈw Jeuwa kaajiˈyusa?

Dinamarca

Taiwan

Venezuela

India

Idxa ¿maz Jeuwa kaajiˈyusa jĩiga? Maa weˈsxyu idx pekuˈj uˈpsatewa jĩinega, meeçxaa mjĩi ũsnisuwaˈj vxiteˈ kaapiyani yatsu iiuynega. Khĩmeeçxa Dxus yuwes weˈwneta idxyakh. Açyu ¿kimweˈsx kxthaw Jeuwa kaajiˈyusa?, saˈ ¿kĩh yũuçxakxthaw nasaweˈsxyakh weˈwe kweˈsx Dxus eçte piyanisaˈs?

Kweˈsxa nasa fxiysameethaˈw. Jeuwa kaajiˈyusa pxãhsu ũsyã piçthẽˈj vxiteˈ uˈy maˈwsameewaˈj. Jxuka ũsyã vxu jiˈphsamaakxyũu, jiˈphmeesamaakxyũu. Maaweˈsxyũu Dxus selpiisa jiˈphuneta, nawa vxiteweˈsxyũu kĩhwa Dxus selpiisa jiˈphmeenetayũu. Jeuwa kaajiˈyusayũumee yũu jxukasay een kutxiˈjithaˈw Dxus eçaˈs piyaya (Hechos 17:11). Jxpaˈkathaˈw Dxus kaapiyanisaˈs, khĩiçxa kweˈsxjĩiçxathaˈw txhitxhi Dxusaˈs maˈw selpiiwãtewaˈj.

Dxus eç kaapiyaˈjnisaˈ puˈçxhine. Kweˈsxwa thẽysa jiˈphusathaˈw vxiteweˈsx naˈwẽy. Nawa Dxus jxkaahnisaˈs kxtey yũute wala ew fxiˈzethaˈw (Salmo 128:1, 2). Txajĩiçxathaˈw nasayakh weˈwe Dxus maˈw ewsa jiˈphna.

Nwẽseˈjethaˈw Dxus kaapiyaˈjnisaˈs. Txãa kaapiyaˈjnisaˈs ew vxitune kweˈsx uˈjuwajaˈs, nasaweˈsxaˈs peeykãan txaˈwẽy puˈçxhina, saˈ txaˈwẽy çxhãçxha mjĩiya. Txaˈwẽy kaapiyaˈjak yatte weˈsxyakh ew jaˈda ũsya kimweˈsxwaˈj kazx yũumee. Kweˈsxa jiithaˈw “Dxusaˈ kim yuhnawa ahçemée”. Maii jxkaahsayuhwa ptxihdeya ãjaˈmeeyã yakhthẽˈjweˈsxtxis kĩhteweˈsxtewa. Txajĩiçxa Jeuwa kaajiˈyusa naa kiwete teeçx çxhabçxathaˈw (Hechos 4:13; 10:34, 35).

  • Jeuwa kaajiˈyusa ¿kĩh yũuçxa fxiysameekxthaˈw?

  • ¿Kĩh ewsa kik Dxus eçaˈs kaapiyaˈja?