Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 20

¿Maˈw mjĩin ũstxkx kũhmee thẽˈjsaweˈsx jxkaahsa?

¿Maˈw mjĩin ũstxkx kũhmee thẽˈjsaweˈsx jxkaahsa?

Yakhthẽˈjweˈsx puˈçxhna ũssa primer siglote

Thegna ũsta eç fxiˈjnisaˈs yakhthẽˈjweˈsx kaahnisaˈs

Primer siglote Jerusalente ũsuneta thẽˈjsaweˈsx vxite apostolesweˈsx. Txaawẽˈsxa pkhakheçxa weˈwneta puˈçxhya pkhakheni Dxus yatsu selpiisaˈs Cristo ih jaˈda uˈjusa txhitxhnisatxis (Hechos 15:2). Jaˈday ũsweçxa Dxus eçaˈs neta piyan ũsuˈ kçxhãçxhajya wejxa çehksa Dxusna peejxna (Hechos 15:25). Ãçxh txaawẽˈsxa kũhmee thẽˈjsaweˈsx jxkaahsa, nyaafxi maˈwneta kaapiyan ũsuˈ, Dxus eçyakh txaˈwẽyçxa yũun ũsyã ãçxhwa.

Txaawẽˈsx txhitxhnisayã txãjx ũus yahkxnisaˈs kxtee yũukan. Yakhtẽˈjweˈsx txhitxhnisa kũhmee thẽˈjsaweˈsx jxkaahsaweˈsx yakh kxtee ũsyã, Dxus eçaˈs wala wẽdxineta, txaawẽˈsx yũu wala jiisayã Dxus eçaˈs phewjuneta khĩiçxa puˈçxhna. Kiˈsu iisaneta pkhakhe Dxus eçaˈs piyaya yakhthẽˈjweˈsx naa kiwete kweˈsxtxis jxuka puˈçxhneta. Maˈwneta puˈçxhna ũsuˈ primer siglote, txaˈwẽy ãçxhwa puˈçxhna ũsyã Dxus eçyakh, fxiˈjçxa kaahn netayũu, vxiteˈ thẽˈjsaweˈsx tadxiisa vxite yakhthẽˈjweˈsx yakh txaˈwẽy puˈçxhna ũsyã. Txaˈwẽy jaˈda ũsya ãjaˈjnaˈw wala ew ũus yahkxna Dxus çxhabte (Hechos 16:4, 5). Aça txaawẽˈsxa wala ew phewjuneta thegwa sãˈjĩwaˈjaˈs isasaˈs Dxus eçyakh. Txaˈwẽy wala kçxhãçxhaneta Dxus jxkaahwaˈjaˈs ptaˈsxkan, khĩiçxa txhitxhineta yakhthẽˈjweˈsxtxis puˈçxhkan.

Txaawẽˈsx nwẽseˈjeneta txãa kçxhãçxhasaˈs wejxa çehksa Dxus jĩis. Txãa kũhmeesa thẽˈjsaweˈsx jxkaahsa pakweneta Jeuwaˈs vxite Jesusaˈs puˈçxhkan (1 Corintios 11:3; Efesios 5:23). Dxus çxhabsu pkhakhen ũssa kĩhwa naamumeeyã. Txãa txhitxhnisa mtee Jesus “uˈthewa txãa yakh jaˈda uˈjweˈ” (Revelación 14:4). Txãa kũhmee thẽˈjsaweˈsx jxkaahsa wala weeçxaneta Dxus yakh puutx weˈwna pẽhyneta txaawẽˈsx paˈka.

  • ¿Kimweˈsxkitx jxkaahn ũsuˈ primer siglote?

  • ¿Kũhmee thẽˈjsaweˈsx jxkaahsa ãçxh maˈw pakwen ũstxkx Dxus puˈçxhkan?