Ji'phna kxtee me'jwe

Kxtee nyaafxte me'jwe

Jeuwa Kaaji'yusa

Txitxh yuwe nasa yuwe

 FXIˈJNISA 21

¿Kĩhkx Betel?

¿Kĩhkx Betel?

Nasa pweˈsx piisana ũsta (Estados Unidos)

Alemania

Kenia

Colombia

Hebreo yuwete Betelyu “Dxus yatna” (Génesis 28:17, 19). Txaˈwẽy txãa yase wala ewsana Dxus yat txajuˈneta Jeuwa kaajiyusaweˈsxa thegna puˈçxhi, maˈw Dxus yuwes ptaˈsxwatewa naa kiwete jxuka. Txãa kũhmee thẽˈjsaweˈsx jxkaahsa jxthuhthesa yatsu mjĩin ũsyã, txãayu çxhab Nueva York yasena. Txajuˈ vxitni yatsuneta thegna puˈçxhi vxite kiwasu weˈsxtxiswa. Naa Betel yatteweˈsxa yakhthẽˈjweˈsx yakh jaˈda mjĩin fxiˈzesayã. Yatteweˈsx dxih naˈwsayã jaˈda mjĩin, Dxus yuwes piyanneta fxiˈze (Salmo 133:1).

Kxtee wala jxthuhthesa txaawẽˈsxa wala çxhãçxha mjĩineta. Kxtee Betel yatteweˈsxa piçthẽˈjweˈsx vxite uˈyweˈsx ũsyã, txaawẽˈsxa een kutxiˈjn mjĩineta Dxus jxkaahnisaˈs kxtey yũun (Mateo 6:33). Kxsu mjĩisatxis kĩhwa dukheçmeeneta nawa kĩh peejxtewa puˈçxhineta. Yakhthẽˈjwẽˈsx fxiysa mjĩi jiˈphyã kxtee fotote vxaakh txaˈwẽy.

Kxtee wala puˈçxhineta Dxus jxkaahwaˈjaˈs ptaˈsxna. Kxtee Betel yatte wala mjĩineta Dxus eçaˈs jiyukan, naa folleto eça txãwku ptaˈsxi. Naa fxiˈjnisa kũhmeesa thẽˈjsaweˈsx jxkaahsa paathegunisana, çaam internette fxiˈjçxa kaahn, vxite yuwe weˈwna fxiˈjn puˈçxhsatxis naa kiwete jxuka, naa fxiˈjnisaˈs tuhdneta kutxiˈjçxa dukhna 110,000 thaakwe pkhakheni Dxus yatsu. Txãa Betel yatte txaawẽˈsx jxuka puˈçxhineta Dxus yuwes ptaˈsxya (Marcos 13:10).

  • ¿Betel yatte selpiisatxis kĩhkx ũsuˈ?

  • ¿Kĩh mjĩi jxthuhthesa kitx vxitu Betel yatsu?