Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 10

¿Kĩhkx yatte weˈsxyakh Dxusaˈs selpiiwaˈja?

¿Kĩhkx yatte weˈsxyakh Dxusaˈs selpiiwaˈja?

Corea del Sur

Brasil

Australia

Guinea

Nyaafxte naˈwẽy Jeuwa wẽdxna ũsna yatte weˈsxyakh jaˈda ũskhan. Txãwçxa txhitxhya puˈçxhina, kĩh ewsatewa kĩh ewmeesatewa jaˈda wẽdxya (Deuteronomio 6:6, 7). Açyu Jeuwa kaajiˈyusa een kutxiˈjxthaˈw kiˈsu iisa, jaˈda yatte weˈsxyakh ũste Dxus eçte piyan, txãwçxa puˈçxhya ãjaˈjna maa theysa jiˈphtewa. Nasa teeçxçxaasawa een kutxiˈçxa Dxus eçaˈs piyaya ãjaˈjna.

Jeuwa tasxte wejxkwe utxaaya ãjaˈjnaˈw. “Dxus tasxte mutxaawe, açaˈ txãawa iˈkweˈsx yakh utxaana” (Santiago 4:8). Dxus eçaˈs piyan uˈjçxa jiyun uˈjenaˈw maˈwkik Jeuwa ũus yahkx. Yatte weˈsxyakh thẽymee piyawe Dxus eçaˈs, txaˈwẽy Cristoˈs selpiin ĩtxi fxiˈzesa, kxteeyũu peˈl pela Dxus eçaˈs piyanekwe; txajuˈ jxukasay paasya ãjaˈjnaˈw Dxus eçte jiyunisaˈs.

Jaˈda yatte weˈsxyakh ũssya ãjaˈjnaˈw. Nawa nmiˈa, txãjx nyuuyteyakh, txaˈwẽy neyweˈsx, txãjx zxiçxkweˈsxyakh, Dxus eçaˈs piyaçxa jaˈda ũssyaˈ ãjaˈyã. Txãa pkhakhenite wẽt fxiˈzeyã. Açyu neyweˈsxwa peˈl peˈla pakweya ãjaˈyã txãa Atalaya saˈ ¡Despertad!, txaˈwẽy spahtxya ãjaˈnekwe kxteeweb jw.org. Puˈçxhina zxikweˈsxtxis maakwe thẽysa jiˈphtewa phewuˈjya ãjaˈyã. Txaˈwẽy kweˈsx pkhakheçxa jaˈda memuˈjthaw, txaˈwẽy kĩh yũuçxakwe çaamte JW Broadcasting (tv.jw.org)theguçmee yatteweˈsx yakh? Nmehyãte wẽtsa ũˈwẽˈjnnaw.

Een kutxiˈjxthaˈw kiˈsu iisa jaˈda yatte weˈsxyakh ũssya wẽtthaˈw Jeuwaˈs selpiina, açyu Dxusyu ewsa peesuna (Salmo 1:1-3).

  • ¿Kĩh yũuçxa kxthaˈw een kutxiˈji yatte weˈsxyakh Dxusaˈs selpiiyã?

  • Neyweˈsxa ¿kĩh yũu jiˈphtxkx kxtee wẽt jxuka ũskan?