Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 5

¿Kweˈsx pkhakhenite kĩh uyugig?

¿Kweˈsx pkhakhenite kĩh uyugig?

Argentina

Sierra Leona

Belgica

Malasia

Maii nasa pkhekheni Dxus yatsu selpiiyã waˈluneta, kĩhwa Dxus eçte ew ptaˈsxiçmeeneta, saˈ kĩhwa kçxhãçxhaˈjaçmeeneta. Idxa Jeuwa kaajiˈyusa yakh pkhakheya ãjaˈjnega ¿kĩh yũuçxa? ¿Maˈw idxaˈs puˈçxhikx?

Nasa wẽdxsayakh pkhakhen ũste wala ewna. Nyaafxi teeçx siglote, Cristoyakh ih jaˈda uˈjusa pkhakheni Dxus yatsu selpiiyã phewjuni ũsuneta, saˈ pkhakheneta Dxus eç piyaya, saˈ txaawẽˈsx pweˈsx kçxhãçxhaˈjya (Hebreos 10:24, 25). Yakhtẽˈjweˈsxyakh pkhakhen ũsçxa Dxus sũhnis ũusteçxaa jiˈphçxa puˈçxhina, txaawẽˈsxwa wala ew yahkxiyã (2 Tesalonicenses 1:3; 3 Juan 14). Kwẽˈsxwa txaˈwẽy thaˈw yũu, saˈ wala wẽt yaakxithaˈw.

Wala isasa Dxus eçte jiˈphna txãaˈs piyate wala puˈçxhina. Kweˈsxwa txaˈwẽy uˈjethaˈw nyaafxi yakhtẽˈjweˈsx naˈwẽy, uˈyweˈsxyakh, piçthẽˈjweˈsxyakh, saˈ luuçxweˈsxyakh uˈjethaˈw pkhakheçxa wẽseˈjya thẽˈjsaweˈsx kaapiyaˈjnis. Txaawẽˈsx yũu ew jiyuya puˈçxhiyã Dxus eçaˈs (Deuteronomio 31:12; Nehemías 8:8). Kxtee nasa pkhakhen ũssa jxuka paapẽynis passya ãjaˈyã, saˈ fxiˈjnisaˈs memya ãjaˈyã. Txãw yũu jxukaysa weˈwya ãjaˈjnaˈw kweˈsx yahkxnis (Hebreos 10:23).

Kçxhãçxhaˈjana idxaˈs Dxus sũhnis ũusteçxaa jiˈphuya puˈçxhna. Txãjx eensu apostol Pablo fxiˈjne Cristoyakh ih uˈjusa Dxus yatsu selpiiyã: “iˈkweˈsxtxi puˈçxhiˈnja sũjuˈth, [. . .] Saˈ puutx kxteeçxah yaˈpuˈçxna Dxus yakh çxhãçxha fxiˈzewaˈjaˈs jiˈphuˈnjaˈw, txãa paˈgatey iˈkweˈsxwa Dxusaˈs yaakxsa iˈkwe adx naˈwẽy” (Romanos 1:11, 12). Kweˈsx yakhtẽˈjweˈsxyakh pkhakhen ũste Dxus sũhnis ũusteçxaa jiˈphuya puˈçxhina, saˈ Cristo maˈwne jxkaah puˈçxh wẽt fxiˈzeya.

¿Kĩh yũuçxaga kweˈsxyakh pkhakheçmee? Uyunega ewsaˈs kweˈsxa weçxan jxpaˈkaˈjnaˈw, txãa pkhakhenite kĩhwa vxu ul pẽjxmeeyã.

  • Kweˈsx pkhakhenite ¿kĩh kitx yũu?

  • Kweˈsx pkhakhenisa ¿maˈw puˈçxhikx?