Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 7

¿Kĩh kitx weˈwe kweˈsx pkhakheni Dxus yatsu?

¿Kĩh kitx weˈwe kweˈsx pkhakheni Dxus yatsu?

Nueva Zelanda

Japon

Uganda

Lituania

Nyaafxtey Cristo yakh ih jaˈda uˈjusa pkhakheçxa, kxteeyũu memnaneta takh Dxus yakh puutx weˈwna, Dxus eçaˈs piyan txaˈwẽy (1 Corintios 14:26). Idxa pkhakheni yatte paˈjçxa txaˈwẽy yũuçte uyunega.

Kxtee yũu Dxus eçyakh ewneta kaapiyaˈja. Pkhakheneta kiˈsu iisa jxuka pkhakheni Dxus yatsu selpiiyã, txãa Nasa ksxaavxte weˈwya hora pxãn thẽeyũuna, kxtey yũu kaapiyaˈjane maˈw uˈjuwatewa, saˈ eˈsu Dxus kĩh yũuyãwatewa. Idx Dxus eçte piyan uˈjwenega. Txajuˈ Atalaya yakh piyaya, kxtee yũu teeçx hora thẽeyũuna, txaˈwẽy piˈkxthaˈw paasya. Naa Atalaya wala yuˈkxpehene Dxus eçyakh. 115.000 pkhakheni Dxus yatsu selpiiyã, txãa Atalaya yakh kĩhteweˈsxçxawa txaˈwẽyçxaneta piya.

Puˈçxhik wejxkwe ew kaapiyaˈjya. Kweˈsxwa een pxãhsu pkhakhethaˈw, tekh peˈla jiyuya txãa naˈw yase Cristoˈs selpiin ĩtxi fxiˈzesa, kxteeyu naa eç mjĩinisayakhthaˈw piyaˈ. Teeçx peˈla naˈw yase Dxus eça wala jxthuhthesa, txãyu puˈçxhik yatte piyanisaˈs wejxkwe jiyuya, txajuˈ puˈçxhik maˈw fxiˈzewatewa txaˈwẽy maˈw Dxus yuwes ptaˈsxwatewa. Txaˈwẽy maˈw vxitnisaˈs weˈwwatewa vxite nasatxis Dxus eç yakh. Txaˈwẽy thẽjˈsawesxa yuuhkxphejeyã weçxan maˈw vxitwatewa (1 Timoteo 4:13). Nmeh peˈlate Kweˈsx ĩtxi fxiˈzenisa Cristoˈs sepiin puˈçxhina kweˈsxtxis Dxus eç wala isasaˈs jiyuya açyu Dxusaˈs nwẽseˈjya, txaˈwẽy wãt fxiˈzeya. Txaˈwẽy kĩh paapẽyte paasya ãjaˈjnaw kuseˈs azkiisna.

Idxwa pkhakheni yatsu paˈjçxa uyunega maˈwneta ew kaapiyaˈja (Isaías 54:13).

  • Jeuwa kaajiˈyusa pkhakheni Dxus yatsu uˈjçxa ¿kĩh piyagigk?

  • ¿Maayakhga takhwẽje pkhakheni yatsu?