Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 6

¿Maˈw puˈçxhik jaˈda ũsya yakhthẽˈjweˈsx yakh?

¿Maˈw puˈçxhik jaˈda ũsya yakhthẽˈjweˈsx yakh?

Madagascar

Noruega

Libano

Italia

Jeuwa kaajiˈyusa uˈjethaˈw jxuˈmaakhyũu, saˈ een ewmeeyũutewa yahkxmee pkhakheni yatsu. Yakhthẽˈjweˈsxyakh pkhakhethaˈw kçxhãçxhaya, maakwe thẽysa jiˈphçxawa, txaˈwẽy mjĩijũ watxna kaseˈjçxawa uˈjethaˈw ¿kĩh yũuçxa?

Puˈçxhina ew uˈjuya. “Saˈ ew yũuna peeygãha fxiˈzewaˈjaˈs jiˈphuyaˈ”, txãa apostol Pablo fxiˈjne pkhakhenisaˈs (Hebreos 10:24). Naˈwna “kĩhmeewa piyan”, naa weˈwnisa kaapiyajak ew jiyuya, vxiteˈ weˈsxjĩi kũj yaakxna. Txaˈwẽy vxite yakhthẽˈjweˈsx yakh pkhakheçxa jiyuyanaˈw, txaawẽˈsxwa thẽysa jiˈphuneta kweˈsx naˈwẽy, saˈ puˈçxhiyã thẽysaju kaseˈjya.

Puˈçxhina jaˈda ũsya Dxus jxkaahsa nwẽseˈjsa yakh. Pkhakheni yatsu kxteweˈsxa wala puutx wẽdxithaˈw uynimeesaçxawa. Txaˈwẽy een kutxiˈjithaˈw jaˈda pweesaˈjya, wẽt fxiˈzeya. ¿Maˈw puˈçxhik naˈwyũunisa? Wejxkwe kçxhãçxhaˈjane wẽdxwaˈjaˈs. Txaˈwẽy maii yakhthẽˈj thẽysa jiˈphun ũste, kweˈsxa wẽdxna ãçxhkhey puˈçxhithaˈw (Proverbios 17:17). Txaˈwẽy pkhakheni yatsu kweˈsxa kaajiyuthaˈw kũj yaakxna yakhthẽˈjweˈsxaˈs “jaˈdaçxah puutx yaˈpuˈçxwaˈjsataˈ” (1 Corintios 12:25, 26).

Kweˈsxa wala kçxhãçxhaˈjathaˈw idxaˈs, nasa yakh utxaa ũsya Dxus jxkaahsa nwẽseˈjsa yakh. Uyunega txãa Jeuwa kaajiˈyusaweˈsx. Maakwe thẽysa jiˈphçxawa pkhakheya ãjaˈnega kweˈsxyakh.

  • ¿Maˈw puˈçxhik yakhthẽˈjweˈsx yakh pkhakheni yatsu?

  • ¿Bakaçxga jiyuwẽeje kweˈsx pkhakheni Dxus yatte uˈjya?