Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

¿Kimweˈsx naa eensu Jeuwa wẽdxnis vxitna ũstxkx?

 FXIˈJNISA 15

¿Thẽˈjsaweˈsxa kĩhkxyũu pkhakheni Dxus yatte selpiisa?

¿Thẽˈjsaweˈsxa kĩhkxyũu pkhakheni Dxus yatte selpiisa?

Finlandia

Kaapiyan

Kçxãçxhajya paˈjni

Ptaˈsxna

Kweˈsx pkhakheni Dxus yatte selpiisa kĩhwa paal jiˈphmeethaˈw vxu ul pẽjxsa. Txaˈwẽy nyaafxtey maˈwneta vxitna ũsuˈ Cristo yakh ih uˈjusa pkhakhesa Dxus yatte selpiisa, piçthẽˈjweˈsx txhitxhneta thẽˈjsaweˈsx jiisa nawa “iˈkweˈsxtxik thegwaˈjsa nvxiht naa paˈga” (Hechos 20:28). Txãa thẽˈjsaweˈsx wala jiisayã, wala ew jxpeejeneta pkhakheni Dxus yatsu selpiiwaˈjaˈs, “Saˈ vxyuu jxpaˈgawaˈjçxáˈs yajkxna txãˈwẽ yũumée, Dxus jxthãasniçxáˈs kxtey myuuwe, waˈlmée weçxana ewçxáa yũuna” (1 Pedro 5:1-3). ¿Kweˈsxtxis maˈw puˈçxhik?

Wala ew jxpeejeneta khĩiçxa nweˈweneta. Thẽˈjsaweˈsxa puˈçxhineta pkhakheni Dxus yatsu selpiiwaˈjaˈs nweˈwna, ew ũus yahkxkan kweˈsxa jiithaˈw Dxusne neweˈw, jxthuhthesaˈs wẽtne fxiˈzen ũs thaasu (2 Corintios 1:24). Txaˈwẽy piisxa jxpeˈjsa maˈwneta ew jxpeˈje, txaˈwẽyneta thẽˈjsaweˈsxa ew jxpeˈje jxuka pkhakheni Dxus yatsu selpiisaˈs (Proverbios 27:23).

Thẽˈjsaweˈsxa kaapiyaˈjaneta Dxusaˈs nwẽseˈjya. Kiˈsu iisa thẽˈjsaweˈsxa kaapiyaˈjaneta pkhakheni Dxus yatsu selpiiyã Dxus sũhnis ũuste jiˈphuya puˈçxhineta (Hechos 15:32). Txãa thẽˈjsaweˈsxaˈs sedxmeeyã een kutxiˈjineta Dxus jxkaahwaˈjaˈs weˈwya, kweˈsx yakh Dxus yuwes ptaˈsxineta maˈw vxitwatewa.

Teeçx teeçxne kçxhãçxhaja. Thẽˈjsaweˈsxa paˈjaneta kweˈsx yatsu, wala ew ũus yahkxya Dxus jxkaahwaˈjaˈs weˈwni yatsu. Txaˈwẽy wala ew puˈçxhineta Dxus eçyakh khĩiçxa kçxhãçxhan (Santiago 5:14, 15).

Nawa txaawẽˈsxwa wala mjĩi jiˈphyã yatte weˈsxjĩi, thegwa kĩh jxpeejxtewa pejxmee jiˈphukan. Txãa yakhthẽˈj wala çxhãçxha mjĩisayã, txãa paˈka wala wẽdxi jiˈphthaˈw (1 Tesalonicenses 5:12, 13).

  • ¿Kĩhkxtx yũu thẽˈjsaweˈsxa pkhakheni Dxus yatte selpiisa?

  • ¿Maˈwkitx jxukasaweˈsxtxis puˈçxhi?