Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Idx yatteweˈsx wẽt fxiˈzeya ãjaˈyã

 PEˈLA 1

Ptaamsaweˈsx wẽt fxiˈze wẽeçxa Dxusaˈs pakwewe

Ptaamsaweˈsx wẽt fxiˈze wẽeçxa Dxusaˈs pakwewe

“Dxusaˈ nyafxiitey eˈzíitx jaˈdaçxajk vxit piçthẽˈj petx uˈy yãˈjçxa.” (Mateo 19:4)

Nyaafxte Jeuwa * Dxusne kaptaamuu piçthẽˈj vxite uˈyaˈs. Dxus eça naˈjĩk txãane teeçx uˈyaˈs vxit, khĩiçxa piçthẽˈjaˈs ũsne. Adan wala wẽt yahkxne, khĩiçxa naˈjĩne: “Naa Adx kakwenaˈw yuhwa jĩne” (Génesis 2:22, 23, TNM). Jeuwa wẽdxna ũsna ptaamsaweˈsx wẽt ũskhan.

Nawa ptaamuyãçxa, kĩhwa thẽysa jiˈphumeeˈjnaˈw sũhuneta, nawa txãwmeena. Nawa ptaamsawa makwe yaˈjxwẽdxçxawa thẽysa jiˈphuyã (1 Corintios 7:28). Naa folleto Dxus wala isasa jiˈphna, idx kxtey yũute wala puˈçxhina. Txaˈwẽy wẽt fxiˈzeya ãjaˈnega yatteweˈsx yakh (Salmo 19:8-11).

 1 JEUWA JXKAAHNISAˈS NWẼSEˈJ

DXUS EÇA NAˈJĨK: Nmiˈa thegna jxpeˈjwaˈjna yatteweˈsxtxis (Efesios 5:23).

Nmiˈaˈs Jeuwa naˈjĩk, nyuuthẽˈjaˈs ew jxpeˈjwaˈj jiˈphnega (1 Pedro 3:7). Dxusa vxitne uˈyaˈs nmiˈaˈs puˈçxhkhan, khĩiçxa ewne jxpeˈj thãasu wẽdxna (Génesis 2:18). Idxa nyuuthẽˈjaˈs wala wẽdxwaˈj jiˈphnega (Efesios 5:25-29).

Nyuuthẽˈjaˈs Jeuwa naˈjĩne, wala nmiˈaˈs thegna wẽdxwaˈj jiˈphna vxiteˈ puçxhna kxtey yũun (1 Corintios 11:3; Efesios 5:33). Puˈçxh nmiˈaˈs kĩh yũuyãwatewaˈj waˈlmee (Colosenses 3:18). Kxtee yũute nmiˈ wala wẽdxine Jeuwa txaˈwẽy (1 Pedro 3:1-6).

ÃJAˈNEKWE TXÃW VXITYA:

  • Ptaamsaweˈsxa weˈwe jiˈphyã maˈw ew fxiˈzeweçxawa. Khĩiçxa wẽseˈjçxa kxtey yũunekwe

  • Wala mũythãasu jiˈphnega. Ew fxiˈze wẽeçxaa

2 PTAAMSAWEˈSXA JIˈPHNEKWE EW KAAVXAJAWAˈJ

DXUS EÇA NAˈJĨK: Wala jxthuhthesana ptaamsaweˈsxa wala puˈçxhwaˈj jiˈphyã (Filipenses 2:3, 4). Ptaamsaweˈsxa wala yaˈjxpeˈjwe, Jeuwa wala kaayaakijĩne ptaamsa selpiisatxis, wẽdxwaˈj jiˈphyã (2 Timoteo 2:24). Wala ũus yahkxçxa weˈw, Dxus eça naˈjĩk: “Nawa ewmee weˈwnisa wala kyũsuˈjuna, nawa ew weˈwnisa yũhçe ewsa naˈwna” (Proverbios 12:18, La Biblia Latinoamérica, 2011). Jeuwa çxhãçxhani wejxya çehksa puˈçxhina ew weˈwya wẽdxna (Gálatas 5:22, 23; Colosenses 4:6).

ÃJAˈNEKWE TXÃW VXITYA:

  • Dxusaˈs pẽhy puˈçxhkhan ew ũssya, khĩiçxa wala ew ũus yahkxwe ptaamsa weˈwçxa

  • Wala ew ũus yahkx kĩh weˈw waˈj jiˈphçxawa

 3 YAHKX JAˈDA MJĨIN ŨSSYA

DXUS EÇA NAˈJĨK: Ptaamuyãçxa txaawẽˈsxa “teeçxsaçxáa naˈwẽ yuuna” (Mateo 19:5). Nawa txaawẽˈsxa txaˈwẽy ũus yahkxmeeçxawa. Txaawẽˈsx ptaamsa piyawaˈj jiˈphta maˈw ũus yahkxçxawaˈj jaˈda ũssya (Filipenses 2:2). Jeˈzi wala ew ũus yahkxte wala jxthuhthesana kĩh yũuyãwatewa. ¿Maˈw txãa yũuyã ãjaˈtxkx? Dxus eça naˈjĩk: “Ew ũus yakhkxçxa weˈwte, txãwçxa ew kaaseˈjena” (Proverbios 20:18TNM). Dxus wala isasa puˈçxhina jeˈzitxis kĩh yũuwa jxthuhthesa jiˈphtewa (Proverbios 8:32, 33).

ÃJAˈNEKWE TXÃW VXITYA:

  • Ptaamsa jiyuweçxa weˈwwe kĩhnekwe ũus yahkx

  • Ptaamsa kĩh vxityawaçxawaˈj weˈwwa jiˈphkikwe

^ pe’la. 4 Dxus eçte ptaˈsxik Dxusa Jeuwa yasena.