Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Idx yatteweˈsx wẽt fxiˈzeya ãjaˈyã

 PEˈLA 5

Maˈw nweˈsx yakh ew ũsukxthaˈw

Maˈw nweˈsx yakh ew ũsukxthaˈw

“Puˈçxna fxiˈzewaˈjaˈs, iiwejçx yajkxmée maa yakhwa jxuka ewçxáa fxiˈzewaˈjaˈs, puutx ũusçxa yajkxmée fxiˈzewaˈjaˈs.” (Colosenses 3:12)

Ptaamuyãçxa vxite yat dxih naˈwneta yũu. Nawa neyweˈsxtxis wẽdxna nwẽseˈjneta yũu, nmiˈ vxiteˈ nyuuthẽˈj txaawẽˈsx ptaamuyãçxa wejxkwe jxthuhthesayã naa kiwete. Nawa maii nweˈsxa txãw yũute wẽdxmeeyã. Txaˈwẽy Dxus wala isasa ptaamuyãte puˈçxhina ew fxiˈzeya.

 1 NWEˈSX YAKH KUˈLE YŨUWA JIˈPHNEKWE

DXUS EÇA NAˈJĨK: “Peekx neyweˈsxtxi nwẽeseˈjçxaˈ” (Efesios 6:2). Idx maz año jiˈphçxawa iˈkweˈsx neytxis ew thegna jxpeˈje jiˈphkikwe. Wala ew yahkxwe iˈkweˈsx ney weˈsxjĩiwa een kutxiˈjwaˈj jiˈphnekwe. “Iiwehcx yahkxiçmee”, nmiˈ vxiteˈ nyuuthẽˈj neyweˈsxtxis thegte ewmee yahkxmeenekwe (1 Corintios 13:4; Gálatas 5:26).

ÃJAˈNEKWE TXÃW VXITYA:

  • Thaakwe weˈw wameena: “Idx yatte weˈsxa thaakwetx weˈwe”, “Idx njĩˈja baaçxtewa kĩh vxittewa wẽdxiçmee”

  • Nmiˈ vxiteˈ nyuuthẽˈj naˈw yahkxwe

 2 KĨH PEJXTEWA ÇXHÃÇXHA YAHKXWANA

DXUS EÇA NAˈJĨK: “Txãa paˈka piçthẽˈja peekx neyweˈsx tasxu txuteeçxa peekx nyuu yũuwaˈjsa yakh utxaawaˈjsa, txãˈwẽ jeˈzçxawa teeçxsaçxaa naˈwẽ yũuna paˈjya” (Génesis 2:24TNM). Txaˈwẽy ptaamuniyãju ney weˈsxa thegwa jiˈph naˈwneta yaakxi. Nawa kĩhwa peetheguˈja jiˈphmeeyã.

Jeˈzi ew puutx weˈwe jiˈphkikwe kĩh yũuyãwaçxawa wẽdxna. Isa weˈw, kazx weˈwmee (Proverbios 15:1). Txaˈwey puˈçxhina iiwehçx yahkxyamee, wejxwa puutx pẽhy kaahn ewçxaa yũun fxiˈzewe yatte weˈsx yakh, txaˈwẽy vxitetxis wẽdxna (Efesios 4:2).

ÃJAˈNEKWE TXÃW VXITYA:

  • Nweˈsxweˈsx peethegun ũste, jeˈzi puutx weˈwwe ũusxaçxaamee

  • Puutx jaˈda txaˈwẽy myũuwe kĩh weˈwyawaçxawa