Ji'phna kxtee me'jwe

Me'jwe menu je'zte

Jeuwa Kaaji'yusa

nasa yuwe

¿Dxus eça idx te Kiˈhna?

¿Dxus eça idx te Kiˈhna?

¿Ĩdxa maˈjĩguihg...

  • ... naa eça nasa yakxnxi çxaa manx?

  • ... eçaˈ pekjx weˈwnxisa çxaa manx?

  • ... Dxus eç yuˈ manx?

 DXUS EÇA NAˈJĨK

“Txãa paˈgatey Dxus libruˈ jxuka Dxus kaaũusutheˈjnisaçxaçxáataˈ.” (2 Timoteo 3:16, DYUS YUWE UˈSESA, ortografía actualizada).

JIˈYUTE MAˈW YŨUÇXA PUˈÇXHIˈTXKIˈ

Txãa paapẽynxisas uyuuˈjnaw isasa kweˈsx fxiˈzewajas (Proverbios 2:1-5).

Kweˈsxaˈ Jiˈphunaw, yuˈkxpeh nxisas bagaçxtewa ĩtxi fxiˈzewajas (2 Pedro 1:19).

Eˈs yuˈ ewsaˈs jiˈphunaw kweˈsxaˈ (Romanos 15:4).

 ¿IˈKWEˈSXA JIIKWE DXUS EÇA ISA YŨˈ WEˈWEMAK MASUJŨˈKWE?

Tekhku tasxii:

  • Baaçx yuˈhwa kayjxpubaˈmena. Txãaˈhneˈ Dxus eçaˈs kafxijaya kaa 40 piçthẽˈjtxis, txãa ensu yũˈ, mil 600 aˈkafx fxuh neˈta. Dxus eçaˈs fxiˈjsa txãaweˈsxa kimyak yuhwa pukx jiiyumeeneˈta, txãaˈju Dxus eçaˈs kaay jxpubameeneˈ bagaçxtewa, txãaˈw çxa weˈwna ũˈsyuna.

  • Txãaweˈsx isa yũˈ weˈwna fxineˈta. Maay fxiˈjsa sũuthneˈta ãhmee yũu nxisas, nawa Dxus eç fxiˈjsa yuˈ, kĩhwa sũuthmee jxuka ãhmee yũu nxisas tasx neˈta (Hechos 7:51; Salmo 51:1-4).

  • Txãjx weˈwnxi kxtey nxun usna. Dxus eça najine 700 aˈkafx peˈjxina neˈ weˈwna ũsuˈ, Dxus zxik Blen çxhab leçkwete upxhina, txãa Judaneˈ yese yũˈ (Miqueas 5:2). ¿Txaˈwẽy kxtey yuumak? Kxtey yuuneˈ txãa çxhabtene upxh kjsusa (Mateo 2:1-6).

    Meˈ seena kxtey yuuneˈ txãjx weˈwnxi kĩhwa pẽyhmene weˈw txãajuyu, txãahwnxu muythãsuthaˈw ¿Dxus isa weˈwnxisaˈs? (2 Pedro 1:21).

 IDXA MAˈJĨGUIHG

¿Maˈw Dxus eça puˈçxhik?

Ĩdxa pakweˈçxa ayte uyuˈnega ISAÍAS 48:17, 18 y 2 TIMOTEO 3:16, 17.

PEENA PAKWE

DXUS JIˈPHA EWSA TUUTHEˈJNI

¿Dxus eçte ew tuutheˈjnisa Dxusa jiˈphyũumanx?

Dxus eça isayuˈ weˈwemaakh ¿Maˈw yũuçxa jiyukxthaˈw?