Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Dxus jiˈpha ewsa tuutheˈjni

 PEˈLA 7

Txãa Dxus jxkaahwaˈja ¿kĩh kik?

Txãa Dxus jxkaahwaˈja ¿kĩh kik?

1. Txãa Dxus jxkaahwaˈja ¿kĩh kik?

Jesus neˈjweˈsx wala ewsa yũuna ¿kĩh yũuçxa? (MARCOS 1:40-42)

Txãa Dxus jxkaahwaˈja ẽewalate jxkaahyã ũsna, txãa Dxus jxkaahwaˈja jxuka kusajana txãa nasa jxkaahsatxis, Dxus weˈwni kxtey yũuna naa kiwete saˈ ẽewalate naˈwẽy. Txãa Dxus jxkaahwaˈjaˈs jxpeeythaˈw jxukasay. Txãa Dxus jxkaahsa jxuka nasatxis yuutxana wãtwãt fxiˈzekan naa kiwete. Txãa wala ewsana. Thegwe Dxus eçte Lucas 1:33; 4:43 vxiteˈ 11:2.

Jxkaahwaˈjaˈs jxpeejxyã jxukasay teeçx neˈjweˈsx txajĩiçxaa Jeuwa txãjx zxikas kiˈphne jxkaahn ũskan naa kiwete. Thegwe Dxus eçte Revelación (Apocalipsis) 11:15.

2. Jesus neˈjweˈsx wala ewsana ¿kĩh yũuçxa?

Dxus zxik neˈjweˈsx wala ewsa jiˈphsana saˈ kuˈlkuˈle jxkaahjana naa kiwete (Juan 1:14). Txaˈwẽy txãaçxa puˈçxhya ãjaˈna kweˈsxtxis, Jesus ẽewalaˈjuy jxkaajana selpiin naa kiwete jxuka. Jesus nyaafxtey ĩtxi yũuçxa ẽewalatene tehkane Dxus paç jũˈgte mũythasya, txãjx jxkaahwaˈjaˈs ũspkaçx. Nmehteyuˈ Dxusa çxhãçxhawajaˈs ũsne. Thegwe Dxus eçte Hebreos 10:12, 13.

3. ¿Kimweˈsx jxkaahjatxkx Jesusyakh?

Dxusa kuhmee nasa txhitxhna ũsna Jesusyakh jxkaahwajaˈs ẽewalate. Revelación 5:10 Jesus naa kiwete ũssiyũu kũhmee nasa txhitxne txãayakh ũskan, txaawẽˈsxyuˈ apostoles neta yaseyuˈ. Txaawẽˈsx khwẽˈy txhitxhnisayã ẽete jxkaahwasayã Jesusyakh. Jeuwa wala txhitxhna ũsna uˈytxis vxiteˈ piçthẽˈjtxis kxtee ẽewalate selpiikan, nawa nasayuˈ wala kuˈle  fxiˈzewa jiˈphyã. Txãa weˈsxa uuçxa Jesus naˈwẽy itxi yũuyã kĩhwa kakwe vxiasamee jiˈphuyã. Thegwe Dxus eçte Juan 14:1-3 vxiteˈ 1 Corintios 15:42-44.

¿Maz nasa ẽewalan uˈjetxkx? Jesus naˈwne kĩph “Iˈkweˈsxaˈ kuhmeekwe iˈkwe” (Lucas 12:32). Dxus eçaˈ kaapiyan 144 mil nasa çxaa ẽete uˈjweyã Jesusyakh jxkaahjya. Thegwe Dxus eçte Revelación 14:1.

4. Jesus jxkaahn takhniju ¿kĩh kxk yũu?

1914 añote ne takh Dxus jxkaahwaˈja. * Txãa añote Dxusa txhitxh Jesusaˈs neˈjweˈsx yũukan, açyuˈ Jesusyuˈ neeuune eçxthẽˈjaˈs ẽewalaju, eçxtxiswa txaˈwẽy ay kiwe khene wãtah. Açaˈ eçxthẽˈjyũˈ seena ũusçxaan ũsna, txãjx wala thẽysa vxan ũsna naa kiwete jxuka (Revelación 12:7-10, 12). Txajĩiçxaa nasa wala pxthaayũun ũsnetkhaˈw ãçxh pkaçx, Jesus jxuka ptaˈsxna ũsna txãawyũuwatewa, wala wee, puiisa, wẽeje saˈ ehd. Txaˈwẽy ewmeesa kxtey yũun ũste, Jesus naˈjĩne Dxus een jxkaahwaˈja utxaayã ũste txãwyũuna naa kiwete jxuka. Thegwe Dxus eçte Lucas 21:7, 10, 11, 31.

5. ¿Kĩh yũu ũsky Dxus jxkaahwaˈja ãçxhyuˈ saˈ kĩh yũukx eˈsyuˈ?

Dxus yuwes ptaˈsxna ũste, txãa Dxus jxkaahwaˈjaˈs naa kiwete jxuka “nasa iimeˈh wala kũh” pkhakhen ũsyã majũ weˈsxwa jxuka. Vxiteˈ mazkwẽ nasa ewsawa utxaan ũsyã Jesusaˈs nwẽseˈjn. Dxus jxkaahsa nasa ewmeesatxis jxuka pebana, txaˈwẽy ĩtxi ũs wẽeçxa Jesus Jxkaahnisas nwẽseˈjwa jiˈphnetkhaˈw. Thegwe Dxus eçte Revelación 7:9, 14, 16, 17.

Dxusa eçaˈ naˈwku ptaˈsxi txãa 1000 añoste Dxus jxkaahwaˈja kxtey yũuna, nyaafx maˈwne yahkxni jiˈphu jxuka nasa weˈsxjĩi, txaˈwẽy naa kiwe zxiçxkweˈyũun kaãjana. Dxus eç ptaˈsxik 1000 años eˈsu Jesus kiˈkin txãjx jxkaahn ũsnisa dukhena txãjx neyaˈs (1 Corintios 15:24-26). Txaˈwẽy jiphnetkhaˈw nasaweˈsx Dxus jxkaahwajaˈs ptaˈsxia ¿idxa wẽdxmag? Thegwe Dxus eçte 2 Pedro 3:13.

 

^ pe’la. 6 1914 año wejxkwe jiyunega theg pel peˈla 215-218 eç ¿Qué enseña realmente la Biblia?

PEENA PAKWE

¿KIMWEˈSX NAA EENSU JEUWA WẼDXNIS VXITNA ŨSTXKX?

¿Maˈw phewjni ũski Jeuwa kaajiˈyusa Dxus yuwe ptaˈsxni?

Jesus naˈwẽy Jeuwa kaajiˈyusa ¿Maˈw kxthaˈw Dxus yuwes ptaˈsxi?