Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Dxus jiˈpha ewsa tuutheˈjni

 PEˈLA 10

¿Maa yũukx isasa Dxus selpiisa?

¿Maa yũukx isasa Dxus selpiisa?

1. ¿Teeçxçxaa yuhmanx Dxusaˈs selpiisa isasa?

“Dxus jxkaahnisathaˈw jĩna isxĩisatxiˈ mpaˈyajkxwe.” (MATEO 7:15)

Jesus kaapiyaˈne ihuˈjusaweˈsx yakh teeçx Dxusaˈsçxaa selpiiwana, Dxusaˈs selpiisa isasaˈs weˈwsayã. Dxii naˈwsana bakaçxtewa ĩtxi ũswa. Jesus naˈjĩne: “kxteyyuˈ kuhmeesaˈ uˈkanaˈ ũstaˈ” (Mateo 7:14). Dxusçxaa jxpaˈkana selpiiwaˈjaˈs Dxus eçte maˈwne weˈwe. Jxukasaweˈsx isasaˈs selpiisa jaˈda yahkxneta txaˈwẽy. Thegwe Dxus eçte Juan 4:23, 24; 14:6 vxiteˈ Efesios 4:4, 5.

2. Jesus ptaˈsxne Dxus yuwe ptaˈsxa ĩsxiin ũsyã ¿kĩhkik ptaˈsx?

“Dxusaˈs jiithaˈw jĩˈtx, nawa Dxusaˈs jiisa naˈwẽ yuˈ fxiˈzeˈçmeetaˈ.” (TITO 1:16)

Jesus ptaˈsxne Dxus yuwes çwẽduuyã txãjx kaapiyaˈjnisaˈs. Pkhakheni Dxus yatsu txaawẽˈsxyuˈ Cristoyakh uˈjusathaˈw jĩneta. Nawa iˈkweˈsxwa jiyuya ãjaˈnekwe txaawẽˈsx fxiˈzenis yuwe ptaˈsxsa ĩsxiin uˈjusatewa ¿maˈw? Nasa ewsa penayã nxun tasx ewsa maˈwne ewsa peena txaˈwẽy. Txaawẽˈsx fxiˈzenis idx jiyuya ãjaˈnega. Thegwe Dxus eçte Mateo 7:13-23.

3. ¿Kĩmweˈsx vxitna ũstxkx Dxusa selpiisa isasaˈs?

Ayte 5 jwẽd theguˈjnaˈw ew jiyuya:

  • Txãa Dxus isasaˈs selpiisaˈs nwẽseˈjeneta Dxus eçaˈs. Txaawẽˈsxa nwẽseˈjeneta Dxus jxkaahnisaˈs, açaˈ piçthẽˈj kaapiyaˈjnisaˈs isa weˈwnimeesaˈs nwẽseˈjmeeneta.  Nawa maii Dxusaˈs selpiisa nasaweˈsx jxkaahnisaˈsçxaneta nwẽseˈje (Mateo 15:7-9). Dxus isasaˈs selpiisa kaapiyaˈjnisaˈs kxteey yũuneta. Thegwe Dxus eçte Juan 17:17 vxiteˈ 2 Timoteo 3:16, 17.

  • Wẽçxawa jiˈphthaˈw txãa Dxus yases Jeuwa. Jesus wẽdxne txãjx ney yaseˈs kaapiyaˈjya, saˈ nasatxis puˈçxhne Dxusyakh puutxweˈwya txãjx yase wala jxthuhthesane yũuna (Mateo 6:9). Idx uˈphnisu ¿jiiga maa Dxus selpiisa kitx Dxus yaseˈs kaapiyaˈja? Thegwe Dxus eçte Juan 17:26 vxiteˈ Romanos 10:13, 14.

  • Ptaˈsxineta Dxus jxkaahnisaˈs. Jesus naa kiwete Dxus yuwes ptaˈsxya kĩhne tuutheˈjnis nasaweˈsxjĩi Dxus jxkaahnisaˈs, Jesus uu eentepkaçxne Dxus yuwes ptaˈsx (Lucas 4:43; 8:1; 23:42, 43). Jesus naˈjĩne adx yakh uˈjusa jxkaahwaˈjaˈs ptaˈsxinekwe. Idx uˈphnisu Dxus jxkaahnisaˈs ptaˈsxte, txãa Dxusa selpiisa ¿maˈw yasekx? Thegwe Dxus eçte Mateo 24:14.

  • Nasa ewmee vxitsa naˈwẽy yũuçmeeneta. Jesusyakh ihuˈjusa kĩhwa nasa jxkaahnisu khẽejeçmeeneta (Juan 17:16; 18:36). Kĩhwa kxteey yũuçmeeneta vxiteˈ nasa ewmee vxitsa naˈwẽy. Thegwe Dxus eçte Santiago 4:4.

  • Wẽdxinisaˈs jiˈphsa vxyaana. Dxus eça kaapiyaˈjane ew uˈjuya, kĩhteweˈsxtewa kĩhwa ahçemee nasa weˈsxaˈs thegna. Dxusaˈs ewmee selpiisa puii walasu puˈçxhineta, nawa Cristoyakh ihuˈjusayuˈ kĩhwa puiiwalasu khẽjeçmeeneta (Miqueas 4:1-3). Txaawẽˈsxa een kutxiˈjineta nasaweˈsxjĩi puˈçxhna kĩh peejxtewa. Thegwe Dxus eçte Juan 13:34, 35 vxiteˈ 1 Juan 4:20.

4. ¿Maˈw yũuçxa Dxusaˈs selpiisa isasaˈs jiyugigk?

Maa nasa kĩhtx Dxus eçyakh kaapiyaˈja, Dxus yaseˈs jiˈphçxa, selpiin Dxus jxkaahnisaˈs tuutheˈjn nasatxis, puutx peejxkãjaneta kĩhwa khejẽçmeeneta puii walasu. ¿Idxa maˈwga yahkx? Thegwe Dxus eçte 1 Juan 3:10-12.