Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Dxus jiˈpha ewsa tuutheˈjni

 PEˈLA 2

¿Kimna Dxusa?

¿Kimna Dxusa?

1. ¿Kĩh yũuçxa Dxusaˈs selpiiwa jiˈphkxthaˈw?

Dxus jxuka vxitne. Bakaçxtewa ũssana, bakaçxtewa ũssaçxa yũuna (1 Timoteo 1:17). Txãane ewsaˈs tuutheˈje Dxus eçte (1 Timoteo 1:11). Txaˈwẽy ũsne ĩtxi fxiˈzewajaˈs txãaçxaa jxpaˈkana selpiiwajaˈs vxiteˈ wala wẽdxwaˈjaˈs. Thegwe Dxus eçte Revelación (Apocalipsis) 4:11.

2. ¿Dxusa maˈw kĩ?

Nawa maa yũuwa Dxusaˈs iiuymeethaˈw, txãa vxaasameena (Juan 1:18; 4:24). Nawa kweˈsx jiyukhan Dxus maˈwsatewa iiuythaˈw naa jxuka vxitsana. Wẽdxçxane jxuka vxit fxiy fxiysa nxun tasxaˈs vxiteˈ kite. Txaˈwẽy txãaçxaa wala jiisana, sek, ãˈ, aˈte ẽete kweˈsxtxis txãane jxuka vxit, Dxus wala çxhãçxhasana ptaˈsxik. Thegwe Dxus eçte Romanos 1:20.

Txaˈwẽy ãjaˈjnaˈw Dxus eçteˈ piyaya. Dxusa maˈw kik nasa weˈsxaˈs jxpeeˈje kiˈkin wẽdxsaˈsmeewa maˈw yũukx. Thegwe Dxus eçte Santiago 4:6 vxiteˈ 1 Juan 4:8.

3. ¿Jiˈphmanx Dxusa yase?

Jesus naˈjĩne: “Txãa paˈga iˈkweˈsxaˈ naˈwẽçxaa Dxus yakh puutx weˈwena naˈjĩnekwe: Kweˈsx Tata cielute ũssa ldxaˈ bakaçxtewa jxtuhthe nes yuuneˈga” (Mateo 6:9). Dxusaˈs maˈw wã kxsusuˈjneta, nawa teeçx yaseçxaa jiˈpha. Vxiteˈ yuwesu Dxus yase fxiyneta kxsuusuˈj. Nasa yuwete Jeuwa jĩneta, vxiteˈ weˈsx nasa Yaveˈ jĩneta. Thegwe Dxus eçte Salmo 83:18 (82:19 vxite Dxus eçu).

Mazkwẽ Dxus eçsuwa khũkhneta Dxus yaseˈs, khĩiçxa Dxusçxaa jĩˈneta vxiteˈ Señor jĩtx. Txaˈwẽy Dxus yase 7 mil fxiˈjni jiˈphna. Jesus ptaˈsxne Dxus yaseˈs nasaweˈsx piyakahn. Thegwe Dxus eçte Juan 17:26.

 4. ¿Kweˈsxa Dxus dxipte jxthuhthesamaathaˈw?

Ney mawˈne luuçxweˈsx jxuka wẽdxi, Dxusa txãawẽyne kweˈsxtxis ãçxhwa wẽdxi

¿Dxus yuweyuˈhmanx kweˈsx pxthaayũu ũsnisa? Maii nasa pxthaayũu ũsnisaˈs Dxusne kaãja sũhuˈneta txãw yuˈhmanx. Nawa txãwmeena. Thegwe Dxus eçte Santiago 1:13.

Dxusa kweˈsx txhitxhwaˈjaˈs ũsne maa dxĩˈj uˈjwatewa ewsate saˈ ewmeesatewa, nawa ewsaˈs txhitxhçxaa Dxusaˈs selpiinaˈw (Josué 24:15). Maii nasa txhitxhneta ewmeeyũuwajaˈs txãasaneta pxthaayũu naa kiwete. Txãw yũuçxa wala Dxusaˈs knxusuˈjneta. Thegwe Dxus eçte 1 Pedro 5:7.

Jeuwa Dxus kweˈsxtxis jxuka wala wẽdxine kũj yahkxna wãtwãt fxiˈzekan. Txaçxhmee pebaya ũsna pxthaayũunisaˈs kĩmne vxitu txãas txaˈwẽy. Ãçxhiyuˈ Dxusa mũythasnaçxaa ũsna ¿bakaçx txãwyũuyãwatewa? Yaç peˈla 8 teˈ ptaˈsxina Dxusa pxthaayũuniˈs bakaçx eente pebakx. Thegwe Dxus eçte 2 Pedro 2:9 vxiteˈ 3:7, 13.

5. ¿Maˈw yũuçxa Dxus tasxte utxaa kxthaˈw?

Jeuwa jxukasaytxis puutxweˈwya piˈkxna ũssa. Txãa kweˈsxtxis teeçx teeçxne kũh yahkx (1 Juan 5:14). Jeuwa kweˈsx ewmeeyũunisaˈs yahkxmeena, saˈ txãayũu jiina kweˈsx makwe ewsaˈs vxitwetewa nawa çxhãçxhaçmeethaˈw ewsaˈs vxitya. Nasa ãhmeekwesanetkhaˈw nawa Dxus tasxte utxaaya ãjaˈjnaˈw. Thegwe Dxus eçte Santiago 4:8 vxiteˈ 1 Juan 1:9.

Dxusne kweˈsx ĩtxi fxiˈzewajaˈs ũs, txãasçxaa wala wẽdxi jiˈphnetkhaˈw (Marcos 12:30). Idxa ãjaˈnega Dxusaˈs wẽdxya, Dxus eçte piyaan khĩn pẽhyna txãas. Idx txãwyũuçxaa wejxkwe Dxus pukate ũsunega. Thegwe Dxus eçte 1 Timoteo 2:4 vxiteˈ 1 Juan 5:3.