Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Dxus jiˈpha ewsa tuutheˈjni

 PEˈLA 4

¿Kim ki Jesucristo?

¿Kim ki Jesucristo?

1. Jesus ĩtxi fxiˈzenisa ¿Maˈw kik takh?

Jesus tasxte nasa thẽymeeneta utxaaya ãjaˈ ¿kĩh yũuçxa? (MATEO 11:29; MARCOS 10:13-16)

Jesus fxiˈysaneyũu nasaweˈsx naˈw sameeneyũu, ẽewalatene ũssayuˈ naa kiwete upxhmeeyũu kakwe vxasameene jiˈphu (Juan 8:23). Dxusaˈ nyaafxtey txãas khwẽˈyne vxit, açyuˈ Jesus jxuka neyas vxit puˈcxhne. Dxus eça naˈjĩk txãa “Dxus Nçxiˈk teeçxçxáasatewa” (Juan 1:14, 18). Dxus eça ptaˈsxik Jesus txaˈwẽy yaseneyũˈ “isasaçxáˈs ptaˈsxna”, txãayũˈ ney paˈkate weˈwne. Thegwe Dxus eçte Proverbios 8:22, 23 vxiteˈ Hebreos 1:2.

2. ¿Jesus kĩhyãkik kĩh naa kiwete?

Dxusa jxkaahne txãjx zxikaˈs naa kiwete. Txãasane piçthẽˈj dxipnimeesa knaˈsa Maria tutxhte nvxit naa kiwete upxhkan. Açyu Jesus jiˈphuçmeene naa kiwete ney (Lucas 1:30-35). Jesus teekh jwẽˈdne ptaˈsxya kĩh: 1) Dxus isasaˈs kaapiyaˈjne, 2) kaapiyaˈjak maˈw selpiiwatewa wala thẽysa jiˈphun ũsçxawa, Dxus yuwes maˈw kaapiyaˈjwatewa, 3) kweˈsx paˈkate “yadukneˈ” txãjx çehk ĩtxi fxiˈzenisaˈs. Thegwe Dxus eçte Mateo 20:28.

3. ¿Kĩh yũuçxa jxpeejxnetkhaˈw yaduknisaˈs?

Idxaˈs nasa ewmeesa suthte saˈ vxu ul pẽjxte kĩh txweteematx ¿idx nweˈsxa vxu dukmatx idxpaˈkate? Ũ, vxu dukhena idx nweˈsxa idxaˈs txweteekahn. Nasa kmajĩˈjwa txweyte maˈw ptxuuçtewa txwetemeeyã selpiiˈjnçxanesyũunega, idx naamu jiyuçxa vxu dukhte txãwçxaa txweteena nasas. Adan jxuka txweyne pkhaalaˈs vxitçxa nasatxis. Dxusa pkhaal jiˈphmeene vxit Adan bakaçxtewa ĩtxi fxiˈzekan, txaˈwẽyçxane  nasa weˈsxjĩiwa ũus yahkxni jiˈphu açamee saˈ thẽˈjnkaaçxawa uuwajmeeneta yũu, nawa Adan Dxusaˈs nwẽseˈjmee paˈka uune (Génesis 2:16, 17; 5:5). Txajĩiçxaa Dxus eça naˈjĩk uu waja naa kiwete “ukane” Adan paˈka. Saˈ nasaweˈsx pkhaalte jxuka txweyne uu wajaˈs txaˈwẽy, txajuˈ kweˈsxaˈ peejxnetkhaˈw txãjx yadukhnis. Thegwe Dxus eçte Romanos 5:12 vxiteˈ 6:23.

Açyuˈ ¿kim dukhwasakx pkhaal vxiteˈ uuwajaˈs vxitna kahte? Kweˈsxa uuçxa dukhenetkhaˈw pkhaal vxitnisaˈs. Nasa ãhmeekwesanetkhaˈw naayũu bakaçxyuhwa vxiteˈ paˈkateyuˈ yadukhya ãjaˈmeenaˈw. Thegwe Dxus eçte Romanos 3:23.

4. ¿Jesus kĩh yũuçxakik uu?

Kweˈsx ãhmeekwesa naˈw meeneyũu. Txãa kĩhwa pkhaal jiˈphmeeneyũu ewmeesaˈs vxitmeene, Jesus kweˈsx pkhaal vxitni paˈkatene uu. Txãa paˈkatey Dxusa kweˈsxtxis wala wẽdxçxane, txãjx zxikas naa kiwete kaah. Txãjx neyaˈs wẽdxçxane nwẽseˈj txãjx ĩtxi fxiˈzewajaˈs dukhne. Thegwe Dxus eçte Juan 3:16 vxiteˈ Romanos 5:18, 19.

5. ¿Ãçxhyuˈ Jesus kĩh yũun ũski?

Jesus naa kiwete ũsiyuˈ wala yuˈçene ãçaˈsaweˈsxtxis vxiteˈ uusaweˈsxtxis kaũseˈjne, vxiteˈ nasa pxthaayũusayakhwa puˈçxhne, eˈsu maˈw yũuwatewa nasa nwẽseˈjsaˈs ptaˈsxna ũsna (Mateo 15:30, 31; Juan 5:28). Uuniyãjuyuˈ Dxusa eenaˈs kiˈkin kaasxwẽduˈjne, Jesusaˈs kakwe vxaasamee ũsne (1 Pedro 3:18). Txajuˈ Jesus mũythasna ũsune ney dukhan naa kiwes jxkaahwaˈjaˈs (Hebreos 10:12, 13). Ãçxha Jesus ẽewalajuy jxkaahn ũsna, txãs nwẽseˈjsa yũu Dxus yuwes tuutheˈjni ewsaˈs ptaˈsxna ũsta naa kiwete jxuka. Thegwe Dxus eçte Mateo 24:14 vxiteˈ Lucas 1:32, 33.

Ewmeesaˈs vxiteˈ pxthayũunisaˈs jxuka pebana çxhãçxha jiˈphsana naayũu. Jesus çxhãçxhawajaˈs ũuste jiˈphçxayũu, nwẽseˈjçxa Jxuka nasaweˈsx txaˈwẽy naa kiwe zxiçxkwete ĩtxi fxiˈzeyã. Thegwe Dxus eçteˈ 2 Tesalonicenses 1:6-8.