Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Dxus jiˈpha ewsa tuutheˈjni

 PEˈLA 14

Dxusaˈs selpiisa wala ew phewjçxa ũsu jiˈphyã ¿kĩh yũuçxa?

Dxusaˈs selpiisa wala ew phewjçxa ũsu jiˈphyã ¿kĩh yũuçxa?

1. Dxus vxitene txãa çxhab israelaˈs wala ew phewjne ¿kĩh yũuçxa?

Dxusa vxitne Israel çxhabaˈs khĩiçxa ewne phew, saˈ jxkaahnisaˈs ũsne. Abrahan paˈkane txãa çxhab Israel kaseˈj, txajuˈne Dxusa selpiisa isasa pkhakheni kaseˈj, txaawẽˈsx yũu Dxus yuwe isasaˈs jiˈphsanetayuˈ (Salmo 147:19, 20). Israel paˈka vxite çxhab weˈsx Dxus yuwes piyaneta nasaweˈsx txaˈwẽy. Thegwe Dxus eçte Hechos 3:25.

Dxusa txhitxhne txãa çxhab Israelaˈs, txãjx kaajiˈyusayũukahn. Txãa eensu yahkxnisa ptaˈsxik maˈwneta Dxusaˈs nwẽseˈjn wala ew fxiˈzen ũsu (Deuteronomio 4:6). Israel paˈka txaawẽˈsxa Dxusaˈs jiyuneta.

2. Isate Cristo ihjaˈda uˈjusaˈ wala ew phewjçxa ũsu jiˈphyã ¿kĩh yũuçxa?

Israel çxhab wala ewmeeyũune, açyuˈ Dxusyuˈ txãa Cristo Dxus yatsu selpiisayakhne yuˈptheˈj (Mateo 21:43; 23:37, 38). Ãçxh Cristoyakh uˈjusa Dxusaˈs isate selpiineta Jeuwa kaajiˈyusanaˈw, Israel çxhab naˈwmee. Thegwe Dxus eçte Hechos 15:14, 17.

Jesus phewjune txãjx ihjaˈda uˈjusaweˈsx yakh naa kiwete jxuka Dxus yuwes ptaˈsxkahn (Mateo 10:7, 11; 24:14; 28:19, 20). Ãçxh naa nmeh eensu kĩhwa ewmeesaçxaa ũsna naa kiwete, nawa Dxus yuwes kĩhtemeewa jxuka ptaˈsxna ũsyã. Naa een wala jxthuhtheˈjsana, Jeuwa wala nasa pkhakhna ũsna txaˈwẽy Dxusa selpiisa isasate uˈka kaahn (Revelación [Apocalipsis] 7:9, 10). Phewjni ũsçxa txaawẽˈsxa wala kçxhãçxhaˈjya ãjaˈneta. Txãjxçxaa pkhakheni Dxus yatsu paˈkanetkhaˈw kçxhãçxhaˈjwajaˈs, kihsumeewa jxuka txãwçxanetkhaˈw piya. Thegwe Dxus eçteˈ Hebreos 10:24, 25.

 3. Naa eensu Jeuwa kaajiˈyusa ¿maˈw kitx takh?

1870 añoste kũhmee nasa piyaya takhneta Dxus eçaˈs, piyan ũsçxa txaawẽˈsxyu Dxus eçte uyneta isasaˈs. Nawa isasaˈmee pkhakheni Dxus yatsu selpiisa suthnaneta ũsuˈ kĩhwa Dxus isasaˈs kaapiyan ũsuçmeeneta. Kũhmee nasa piyan takhsa jĩinetayuˈ Jesus phewj ũstewa naa kiwete jxuka Dxus yuwes ptaˈsxwaˈjaˈs, txajuˈ takhneta mjĩi wala vxitna Dxus jxkaahwaˈjaˈs ptaˈsxna. Kweˈsxa jxpaˈkathaˈw Jeuwa kaajiˈyusa yaseˈs 1931 añote. Thegwe Dxus eçte Hechos 1:8; 2:1, 4, 11 vxiteˈ 5:42.

4. Jeuwa kaajiˈyusa wala ew phewjuni ũsyã ¿maˈw?

Primer siglote, pkhakhenisa Dxus yatsu selpiisa Cristoyakh ihuˈjusa, jiˈphuneta kũhmeesa thẽˈjsaweˈsx jxkaahsa, txaawẽˈsxyuˈ jiyuneta Jesus jxkaahn ũstewa (Hechos 16:4, 5). Ãçxhwa, Jeuwa kaajiˈyusa jiˈphyã kũhmeesa thẽˈjsaweˈsx jxkaahsa wala jĩisa. Txaawẽˈsxa pekuˈjuneta wala thegna vxitni yatsu naa kiwete jxuka. Txãa vxitni yatsu wala eç fxiˈjn ũsya vxiteyuwesu jxuka nasaweˈsxjĩi txhudewa. Txãa kũhmeesa thẽˈjsaweˈsx jxkaahsa, 100 mil jxthakwe pkakheni Dxus yatsu selpiisa wala puˈçxhineta Dxus yuwe yakh, saˈ wala kçxãhçxahn. Txaˈwẽy kxtee yũu thẽˈjsaweˈsx ew jxpheˈjesa jiˈpha. Thegwe Dxus eçte 1 Pedro 5:2, 3.

Jeuwa kaajiˈyusa wala ew phewjçxa ũsna Dxus yuwes ptaˈsxya. Apostoles naˈwẽy yat isa ptaˈsxna uˈjethaˈw (Hechos 20:20). Txaˈwẽy kaapiyaˈjaneta vxu ul pẽjxmee. Txaawẽˈsxyuˈ yaˈjxwẽdxineta yatte weˈsx jxthaakwe, açyuˈ Jeuwa wala ew jxpheˈjene (2 Tesalonicenses 1:3). Txaawẽˈsxjĩiyuˈ wala jxthuhthesana Dxusaˈs khwẽy wẽdxna vxiteˈ jxuka nasatx txaˈwẽy. Txãajĩiçxaa yat weˈsx wãtwãt fxiˈzen ũsnetkhaˈw naa kiwete jxuka. Thegwe Dxus eçte Hechos 20:35 vxiteˈ 1 Pedro 2:9.