Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Dxus jiˈpha ewsa tuutheˈjni

 PEˈLA 15

Idxa Dxus eçaˈs piyançxa nes yuu ¿kĩh yũuçxa?

Idxa Dxus eçaˈs piyançxa nes yuu ¿kĩh yũuçxa?

1. Dxus eçaˈs piyan ũste ¿maˈw puˈçxikx?

Naa folleto wala isasa ptaˈsxik, txãayũu Dxus eçyakh kutxiˈjnisana, açyuˈ kweˈsxyuˈ Jeuwas eenisa wala wẽdxi jiˈpnetkhaˈw isasas piyaçxa (1 Pedro 2:2). Iˈkweˈsxa peena Dxus eçte piyawaˈj jiˈphnekwe bakaçxtewa ĩtxi fxiˈzewẽçxa. Thegwe Dxus eçte Juan 17:3 vxiteˈ Judas 21.

Wejxkwe Dxus eçte piyan ũsçxa, idx Dxus çxhãçxhawajaˈs ũuste jiˈphte wejxkwe walaana, saˈ Dxusaˈs wẽdxna (Hebreos 11:1, 6). Dxus çxhãçxhawaˈjaˈs ũuste jiˈphte ewmee yũuthaasuçmee, saˈ txaˈwẽy yuˈptheˈjkajak ewsayakh wãt fxiˈzeya. Thegwe Dxus eçte Hechos 3:19.

2. Idxa puˈçxhya ãjaˈnega vxite nasatxis ¿maˈw?

Idxa wãtwãt fxiˈzenega Dxus tasxte utxaaçxa

Idxa piyaçxa wẽdxmag vxite nasatxis ptaˈsxya, jxukasay wẽdxithaˈw jxtxuhdeya ewsa tuutheˈjnis. Idxa ãjaˈnega Dxus yuwes ptaˈsxya wejxkwe jiyuçxa ewsa tuutheˈjnis. Thegwe Dxus eçte Romanos 10:13-15.

Idxa ãjaˈnega weˈwya ewsa tuutheˈjnis nweˈsxaˈs vxite uynisaˈs. Açyuˈ wala zxiçxkwe weˈwenega. Kĩhwa txaawẽˈsx ũus yahkxnis nuy weˈw waˈjmeena, saˈ txaˈwẽy weˈwenega Dxusyuˈ naa kiwes kiˈkin zxiçxkwe vxitna kaãjaˈna. Zxiçxkwe weˈwte ewna nawa wala ũus yahkx, nasayu theguyã idx maˈw yũutewa. Thegwe Dxus eçte 2 Timoteo 2:24, 25.

3. Idxa ãjaˈnega Dxus tasxte utxaaya, nawa ¿kĩh jxpaˈkagkig?

Dxus eçaˈs piyaçxaa wala jiyunega, txajuˈ uyunega kĩh ewsatewa saˈ kĩh ewmeesatewa. Txãwçxa puˈçxhina wala isasa  Dxus eçte jiˈphna, txaˈwẽy Dxus tasxte utxaaya ãjaˈnega. Thegwe Dxus eçte 2 Corintios 6:18.

4. Idxa Dxus tasxte utxaaya ãjaˈnega ¿maˈw?

Dxus eçaˈs piyançxa ũsçxa nvxithnu (Hebreos 5:13, 14). Pẽhy Jeuwa kaajiˈyusayakh kaapiyaˈjkahn naa eçte ¿Qué enseña realmente la Biblia? Wejxkwe jiyuçxa wãt fxiˈzenega. Thegwe Dxus eçte Romanos 12:2 vxiteˈ 1 Timoteo 4:15, 16.

Ewsa tuutheˈjni Jeuwajĩi, txãa Dxus wãtwãt fxiˈzesana. Idxa pkhakheçxa Dxus tasxte utxaaya ãjaˈnega (Hebreos 10:24, 25). Txaˈwẽy Dxusaˈs nwẽseˈjçxa bakaçxtewa ĩtxi fxiˈzenega. Thegwe Dxus eçteˈ 1 Timoteo 1:11 vxiteˈ 6:19.