Ji'phna kxtee me'jwe

Me'jwe menu je'zte

Kxtee nyaafxte me'jwe

Jeuwa Kaaji'yusa

nasa yuwe

Dxus jiˈpha ewsa tuutheˈjni

 PEˈLA 6

Dxusa tuutheˈjek ewsa uusaweˈsxjĩi ¿maatxkx?

Dxusa tuutheˈjek ewsa uusaweˈsxjĩi ¿maatxkx?

1. Ewsa tuutheˈjek uusaweˈsxjĩi ¿maatxkx?

Jesus paˈjne Betania, Jerusalen pukasu. Lazaro txãjx wala uynisaˈyũune, Nawa pahz eenyãˈjne uuni ũsu. Açyu Jesus piˈkxna uˈjne Marta vxiteˈ Maria uˈy pyaakhweˈsxyahk Lazaro uupedanitepa. Marta vxiteˈ Maria weˈsxa meh wãtwãt yahkxneta Jesus Lazaroˈs kaauˈjseˈjte. Thegwe Dxus eçte Juan 11:21-24, 38-44.

Tuutheˈjni ewsaˈs Marta jiiyaneyũu ĩtxi yũuwaˈjaˈs. Txãa yũu jiiyaneyũu Jeuwa kaaujseˈjwatewa Lazaroˈs naa kiwete ĩtxi yũuwatewa. Thegwe Dxus eçte Job 14:14, 15.

2. Uusawesˈsxa ¿maˈw ũstxki?

Dxusa naˈjĩne Adanaˈs: “kiwe tuhdçxag naa yũu kiwe tuhdçxa yũunega uuçxawa” (GÉNESIS 3:19)

Nasaweˈsxa kiwe tuhdu vxitnisanetkhaˈw (1 Corintios 15:47). Kweˈsxa jiˈphmeenetkhaˈw kĩhwa dxiˈjkeh vxaasamee, kweˈsx kakwe çxiçx saˈ dxiit jiˈphsa, kweˈsx uuyãthe kxte jxuka pçuune. Txaˈwẽy kweˈsx peˈpe uunee, saˈ yahkxnisa jxuka pçuune. Lazaro uuçxa kĩhwa ptaˈsxmeene dehn naˈwçxane ũssuˈ, maawã uˈjmeene. Thegwe Dxus eçte Eclesiastés 9:5, 6, 10.

Maii nasa naa sũhuˈneta Dxusa ptxuˈne uusaweˈsxtxis ipxkhe akhna ¿nawa isamaii? Nawa Dxus eça naˈwku kaapiyaˈja uusaˈweˈsxa kĩhwa yũuyã ãjaˈçmeeneta. Nawa vxiteweˈsx yuˈ naˈwneta kaapiyaˈja, Dxusa ptxuˈne uusaweˈsx ipxkhe akhna, nawa txãw weˈwsa wala ĩsxiin ũsyã. Dxusaˈs ewmee weˈwna ũsyã Jeuwa wala wẽdxsana, bakaçx yuhwa kweˈsxtxis pxthaawẽmeena. Thegwe Dxus eçte 1 Juan 4:8.

 3. Uusaweˈsxa kweˈsxyakh puutx weˈwya ¿ãjaˈmatx?

Uusa weˈsxa weˈwya saˈ wẽseˈjyawã ãjaˈmeeyã (Salmo 115:17). Nawa angeles ewmeesa psxiˈdna ũsyã uusaweˈsxtxis weˈwek jĩˈkan (Judas 6). Jeuwa açena uusayakh weˈwte. Thegwe Dxus eçte Gálatas 5:20, 21.

4. ¿Kim weˈsx kiˈkin ĩtxi yũutxkx?

Mazkwẽ nasawa uu pedakafxsu ũsyã, nawa kiˈkin ĩtxi yũuyã naa kiwete. Maii nasa Dxus yuwes jiimeesa ewmeesaˈs vxitneta, txaawẽˈsxwa ĩtxi yũun kajayã. Thegwe Dxus eçte Hechos 24:15.

Ĩtxiyũu saˈ Dxus yuwes isasaˈs piyaya ãjaˈyã, Jesusaˈs ũuskhe çxhãçxha jiˈphuya nwẽseˈjn (Revelación [Apocalipsis] 20:11-13). Naa kiwete jxukasay ĩtxiyũun kajaˈyã, ewsaˈs vxitsa bakaçxtewa ĩtxi ũsuyã naa kiwete. Thegwe Dxus eçte Juan 5:28, 29.

5. Jeuwa wala ewsa kaapiyajak ĩtxi yũuwaˈjaˈs ¿kĩhkx?

Kweˈsxa wala weçxathaˈw Dxusaˈs, txãjx zxika kweˈsx paˈkatene uu, açyu mazkwẽ nasawa uuseeyã. Dxusa wala peeykãhwã jiˈpha, txajĩi kxtey yũuna txãjx weˈwni. Uusaweˈsx kiˈkin ĩtxi yũute ¿kimweˈsxyakh puutx uyweje? Thegwe Dxus eçte Juan 3:16 vxiteˈ Romanos 6:23.