Skip to content

Skip to secondary menu

Skip to table of contents

Resioning er a Jehovah

Palauan

Ungil Chais el Mla er a Dios!

 SUOBEL 11

Ngmekerang a Omellach er a Biblia e Mo Uchul a Klungioled?

Ngmekerang a Omellach er a Biblia e Mo Uchul a Klungioled?

1. Ngera uchul me kede ousbech a ulekrael?

Ngmekerang a omellach er a Biblia e ngosukid el mo kerekikl a tekoi el doruul?PSALM 36:9.

Ngike el Ulemeob a lmuut el mellomes a rengul er kid e uai a betik a rengul el Chedam el omekerreu er kid. Ngdirrek el dimlak el soal a di el kid el omekrael er kid. (Jeremia 10:23) Kid el rokui a ousbech a ulekrael er a Dios el di uai a ngalek el ousbech a ulekrael er a demal me a delal. (Isaia 48:17, 18) Me a omellach er a Biblia a meskid a ulekrael el ngii a sengk el mla er a Dios.Monguiu er a 2 Timothy 3:16.

A llechul a Jehovah me a omellach er ngii a osisecheklid er a kot el ungil el rolel a klengar er chelechang e ochotii a rolel e kede mo ngmai a diak a ulebengelel el klengeltengat er a ngar medad el taem. A Dios a milebid a uchul, me ngkired el olecholt a omereng el saul el kirel a ulekrael er ngii e mo oltirakl.Monguiu er a Psalm 19:7, 11; Ocholt 4:11.

2. Ngerang a omellach er a Biblia?

A omellach a mengai a uchetemel er a klemerang. Engdi a llach a blechoel el di melutk er a ta el tekoi. (Duteronomi 22:8) Ngkired el ousbech a sekutaberreng me bo dodengei el kmo ngmekerang a doltaut a omellach er a chelsel a kakerous el blekeradel. (Osisechakl 2:10-12) El uai tiang, a Biblia a olisechakl el kmo a klengar a sengk el mla er a Dios. Tia el omellach a sebechel el omeklatk er kid sel doureor, me a dengar er a blai, me sel dengar er a omerael, e le ngrullid el mo kerekikl a tekoi el doruul me lak bo luchul a telemelled kid me a rebebil.Monguiu er a Rellir 17:28.

3. Ngera el eru el omellach a kot el meklou a ultutelel?

A Jesus a milsaod el kirel a eru el omellach el ngii a kmal meklou a ultutelel. A ta er ngii a olecholt er a moktek er a klengar er a rechad  el kmo, ngkired el mo medengelii a Dios, e mo betik a rengud er ngii, e mo blak a rengud el mesiou er ngii. Tia el kot el omellach a kired el melatk er ngii sel dolilt a rokui el tekoi er a chelsel a klengar er kid. (Osisechakl 3:6) Tirke el kiei el oltirakl er tia el omellach a mo sechelil a Dios, e mo nguu a mera el deurreng me a diak a ulebengelel el klengar.Monguiu er a Mateus 22:36-38.

A ongeru el omellach a sebechel el osisecheklid el mo budech a delongeled kid me a rebebil. (1 Korinth 13:4-7) A rechad el oltirakl er tia el omellach a kirir el oukerebai er a omerellel a Dios el mo er a rechad.Monguiu er a Mateus 7:12; 22:39, 40.

4. Ngmekerang a omellach er a Biblia e mo uchul a klungioled?

A omellach er a Biblia a ngosuir a telungalek el mo dmak el ngar er a bltikerreng. (Kolose 3:12-14) A Tekingel a Dios a dirrek el omekerreu a telungalek el okiu a kuk ta er a omellach el kmo, a chebechiil a kirel el di melemolem.Monguiu er a Genesis 2:24.

Sel doltirakl a omellach el ngar er a Biblia, e ngngosukid el mo kutmokl aike el dousbech er a klengar er kid e kosadel a ringelel a uldesued. El uai tiang, a remerreder er a ureor a blechoel el sorir a rechad er a ureor el tir a oltirakl a omellach er a Biblia el kirel a melemalt el omeruul me a blakerreng. (Osisechakl 10:4, 26; Hebru 13:18) A Tekingel a Dios a dirrek el osisecheklid el mo ungilbesul er a rengud sel lengar er ngii er kid aike el dousbech e dirrek el mo mengreos er a deleuill er kid me a Dios el kuk ngaruchei er a tekoi er a kerruul.Monguiu er a Mateus 6:24, 25, 33; 1 Timothy 6:8-10.

A doltaut a omellach er a Biblia e ngomekerreu er a klisichel a bedenged. (Osisechakl 14:30; 22:24, 25) El uai tiang, a doltirakl a llechul a Dios el kirel a imis el omelim el rrom e ngomekerreu er kid er a omekodall el rakt me a accident. (Osisechakl 23:20) A Jehovah a diak lorrob er kid me lak dolim a rrom engdi ngkirel ngar er ngii a telkelel. (Psalm 104:15; 1 Korinth 6:10) A omellach er a Biblia a mo uchul a klungioled e le ngosisecheklid el mo kerekikl a omerelled me a uldesued. (Psalm 119:97-100) Nguaisei, engdi a remera el Kristiano a diak di loltirakl a llechul a Dios e le ngmo uchul a klungiolir, e te bai meruul el uaisei me longebkall er a Jehovah.Monguiu er a Mateus 5:14-16.