Skip to content

Skip to table of contents

Resioning er a Jehovah

Mngiltii a omelekoi Palauan

BEBIL ER A OMESODEL

Ngkired el Mengull a Chedaol el Sils?

Ngkired el Mengull a Chedaol el Sils?

A BIBLIA a diak el uchelel aika el betok el ungil el klebesei er a klechelid el longedaol el meliuekl er a betok el beluu er a beluulechad er a chelecha el sils. Me ngngerang a uchelel aika el ungil el klebesei? A lengar er ngii a techellem el mo er a Library el mo omes a babier, e ngmera el mo mechas a rengum a tekoi el lolekoi a betok el babier el kirel a omesodel a chedaol el sils el haeri er a beluam. Ka molatk aika el bebil er ngii.

Easter. A The Encyclopædia Britannica a kmo: “Ngdiak a olechotel a omerellel a ungil el klebesei el kirel a Easter el debetik er ngii er a chelsel a Beches el Testament.” Me ngmilekerang e ulemuchel a omerellel? A risel a mla er a klsuul el omengull. Me alta tia el chedaol el sils a leko ngkirel a okisel a Jesus, engdi a siukang el kirel a omengedolel a diak el kirir a Rekristiano. A The Catholic Encyclopedia a kmo: “Ngbetok el kakerous el siukang er a omengull el outkeu er a lletel a spring (taem el lorael el mo mekeald a beluu me a dellomel a meloseb) a merrael el mlo telengtengil a omerellel a Easter er a uriul. A ngais a luluusbech el omtechei a obuu el tane me a uchelel a klengar er a spring.”

Ungil el Klebesei er a Beches el Rak. A kebesengil me a siukang er a omengetmeklel a Beches el Rak a kakerous er a bek el beluu. A The World Book Encyclopedia a mesaod er a uchelel tia el ungil el klebesei el kmo: “A merreder er a Rom el Julius Caesar a ulterekeklii a January 1 el mo Beches el Rak er sera rak er a 46 B.C. A rechad er a Rom a uldersii tia el sils el mo er a Janus, el chelid er a siseball, chesimer, me a uchelel a tekoi. Me a kot el buil a mlungakl el loltirakl er a ngklel a Janus, el mle teblo klidm er ngii el tang a omes el bedul uchei me a tang a omes el bedul uriul.” Me a omengedolel a Beches el Rak a mleuuchel er a siukang er a klsuul el chelid er a irechar.

Halloween. A The Encyclopedia Americana a kmo: “A telengtengil a siukang er a omengetmeklel a Halloween a sebeched el metik a uchelel er a ungil el klebesei er a Druid [el kleprist er a Celt] er a uchei er a taem er a Klekristiano. A rechad er a Celt a mirruul a ungil el klebesei el kirel a teblo el meklou el chelid, el chelid el sils me a chelid el kirir a rulekoad… , el ungil el klebesei el kirel a lurruul er ngii er a November 1, el mle uchelel a Beches el Rak er tir. E tia el ungil el klebesei el kirir a rulekoad a milekekokil el mlodak er a ungil el klebesei el loruul a Rekristiano.”

Bebil er a Chedaol el Sils. Ngdiak el sebeched el di ta e smaod a rokui el ungil el klebesei el longedaol a rechad er a beluulechad el rokir. Me nguaisei, engdi aike el chedaol el sils el mengebkall er a rechad me a lechub a cheldebechel er a klechad a diak el ungil er a osengel a Jehovah. (Jeremia 17:5-7; Rellir 10:25, 26) Molemolem el melatk er tia el kmo, a uchelel a ungil el klebesei el longedaol a klechelid a ngar er ngii a lerellii er a kmo ngodeuir a rengul a Dios me a lechub e ngdiak. (Isaia 52:11; Chocholt 18:4) A omellach er a Biblia el ngar er a 16 el Bliongel a mo ngosukau el mo mesa el kmo ngua ngera osengel a Dios el kirel a bo deteloi er a omengetmeklel a chedaol el sils er tia el beluulechad.

← Momes er a medung el bliongel