Bai na kontenido

Tin Sierto Pelíkula, Buki òf Kantika Ku Testigunan di Yehova Ta Prohibí?

Tin Sierto Pelíkula, Buki òf Kantika Ku Testigunan di Yehova Ta Prohibí?

Nò, nos organisashon no ta hasi análisis i despues traha un lista spesífiko di pelíkula, buki òf kantika ku nos mester evitá. Dikon nò?

Beibel ta animá kada un di nos pa entrená nos “kapasidat di komprondé” pa asina nos por distinguí loke ta bon for di loke ta malu.—Hebreonan 5:14.

Beibel ta duna nos prinsipio ku por yuda nos tuma bon desishon ora di skohe entretenimentu. * Den tur aspekto di nos bida, nos meta ta pa “sigui hasi sigur di loke ta agradá Señor.”—Efesionan 5:10.

^ par. 4 Por ehèmpel, Beibel ta kondena kualke kos ku tin di haber ku spiritismo, inmoralidat seksual i violensia.—Deuteronomio 18:10-13; Efesionan 5:3; Kolosensenan 3:8.

Beibel ta mustra ku e kabes di famia tin un sierto grado di outoridat, p’esei e por disidí kiko e ta permití su famia hasi. (1 Korintionan 11:3; Efesionan 6:1-4) Pero, den kongregashon, ningun hende no ta outorisá pa traha regla spesífiko tokante pelíkula, kantika òf artista ku no ta aseptabel pa miembronan di e kongregashon.​—Galationan 6:5.