Bai na kontenido

Testigunan di Yehova Tin Klero Ku Ta Risibí Salario?

Testigunan di Yehova Tin Klero Ku Ta Risibí Salario?

Segun e modelo di kristianismo den promé siglo, Testigunan di Yehova no tin un divishon entre klero i laiko. Tur miembro batisá ta un sirbidó ordená pa Dios ku tin e privilegio di prediká i siña otro hende. Testigunan ta organisá den kongregashonnan di mas o ménos 100 miembro. Hòmbernan ku ta spiritualmente maduro ta sirbi komo “ansiano.” (Tito 1:5) Nan ta hasi esei sin risibí pago pa nan servisionan.