Bai na kontenido

Testigunan di Yehova Ta Kere den Hesus?

Testigunan di Yehova Ta Kere den Hesus?

Sí. Nos ta kere den Hesus, kende a bisa: “Ami ta e kaminda, e bèrdat i e bida. Ningun hende no ta yega serka e Tata si no ta pa medio di mi.” (Huan 14:6) Nos ta kere ku Hesus a bini na tera for di shelu i ku el a duna su bida humano perfekto komo un sakrifisio di reskate. (Mateo 20:28) Su morto i resurekshon a habri kaminda pa tur hende ku pone fe den dje por haña bida eterno. (Huan 3:16) Tambe nos ta kere ku Hesus ta reinando awor komo Rei di e Reino selestial di Dios, ku pronto lo trese pas akí riba tera. (Revelashon 11:15) Sinembargo, nos ta kere Hesus su palabranan ora el a bisa: “E Tata ta mas ku mi.” (Huan 14:28) P’esei nos no ta adorá Hesus, ya ku pa nos no ta e ta e Dios Todopoderoso.