Bai na kontenido

Ta Malu pa Kasa ku Hende di Otro Rasa?

Ta Malu pa Kasa ku Hende di Otro Rasa?

E kontesta ku Beibel ta duna

Den bista di Dios tur rasa ta igual. P’esei, Dios no tin nada kontra pa hende di diferente rasa kasa ku otro. Beibel ta bisa ku ‘Dios no ta hasi distinshon di persona, ma ta aseptá tur hende di tur nashon.’—Echonan 10:34, 35.

Laga nos analisá algun otro prinsipio di Beibel relashoná ku e tema akí.

Tur rasa tin e mesun orígen

Tur hende ta bini di e promé hòmber Adam i di su kasá, Eva. Beibel ta yama Eva “mama di tur ser bibu.” (Génesis 3:20, Beibel Santu) P’esei, Beibel ta bisa: “For di ún hende [Dios] a traha tur nashon.” (Echonan 17:26) Esei ta nifiká ku tur hende di tur rasa ta forma parti di un solo famia. Awor kiko si kaminda bo ta biba tin hopi prehuisio rasial òf diskriminashon?

Ta bon pa papia ku otro adelantá

Aunke Dios no tin nada kontra pa hende di diferente rasa kasa ku otro, no ta tur hende ta pensa meskos. (Isaías 55:8, 9) Si akaso bo ta pensa di kasa ku un persona di un otro rasa, ta bon pa abo i bo futuro kasá papia enkuanto lo siguiente:

  • Kon lo bo trata ku e preshon ku bo famia òf komunidat lo por pone riba bo?

  • Kon lo bo yuda bo yunan trata ku prehuisio rasial?

Si boso papia riba e kosnan akí for di adelantá, boso lo por tin éksito den boso matrimonio.—Proverbionan 13:10; 21:5.