Hesus no a duna su siguidónan e mandato pa haña yu ni pa nò haña yu. Su disipelnan tampoko no a duna e instrukshon ei. Niun kaminda Beibel no ta bisa spesífikamente ku un hende no tin mag di kontrolá e kantidat di yu ku e ta haña. Den e asuntu akí, e prinsipio na Romanonan 14:12 ta apliká: “Kada un di nos lo duna kuenta i rason na Dios pa nos akshonnan.”

 Pues, parehanan kasá ta liber pa disidí si nan ke haña yu òf nò. Ademas, ta nan mester sa kuantu yu nan ke i ki tempu nan ta haña nan. Si un pareha skohe pa usa un òf otro forma di antikonseptivo—ku no ta kousa aborto—pa evitá embaraso, esei ta nan responsabilidat i nan desishon. Niun hende no mester husga nan.—Romanonan 14:4, 10-13.