E kontesta ku Beibel ta duna

Beibel ta bisa ku no ta Dios a krea Diabel. El a krea un angel perfekto ku despues a bira Diabel. Beibel ta bisa di Dios: “Su obra ta perfekto, pasobra tur su kamindanan ta hustu; un Dios di fieldat i sin inhustisia, hustu i rekto e ta.” (Deuteronomio 32:3-5, Beibel Santu) For di esaki nos por konkluí ku Satanas e Diabel un tempu tabata perfekto i hustu, es desir, un di Dios su yunan selestial.

Na Huan 8:44, Hesus ta bisa ku Diabel “no a keda firme den e bèrdat,” mustrando asina ku na un tempu e tabata rekto i sinsero.

Sin embargo, Yehova a duna tur su kriaturanan inteligente e libertat pa skohe entre bon i malu i e angel ku a bira Satanas tambe tabatin e posibilidat akí. P’esei, ora el a skohe pa desobedesé Dios i konvensé e promé pareha humano pa hasi meskos, el a bira Satanas, ku ta nifiká “Resistidó.”—Génesis 3:1-5; Revelashon 12:9.