E kontesta ku Beibel ta duna

Nos Kreador a establesé regla tokante matrimonio hopi promé ku gobièrnunan a instituí esakinan. E promé buki di Beibel ta bisa nos: “Un hòmber lo bandoná su tata i su mama i lo uni ku su esposa. I nan lo bira ún karni.” (Génesis 2:24, Beibel Santu) Segun Vine’s Expository Dictionary of Biblical Words, e palabra hebreo ku nan ta usa pa “esposa” den e teksto akí ta “referí na un ser humano di sekso femenino.” Hesus a konfirmá ku ora dos persona ta uni den matrimonio nan mester ta “hòmber i muhé.”—Mateo 19:4.

Pues, Dios tabata ke pa matrimonio ta un union permanente, un laso íntimo entre un hòmber i un muhé. El a traha hòmber i muhé pa komplementá otro, di manera ku nan por haña yu i satisfasé otro su nesesidatnan emoshonal i seksual.