Bai na kontenido

Bai na e menú sekundario

Testigunan di Yehova

Papiamentu (Kòrsou)

Dikon Hesus Ta Ser Yamá Yu di Dios?

Dikon Hesus Ta Ser Yamá Yu di Dios?

E kontesta ku Beibel ta duna

Dios no tin un kasá literal ku kende e tin yu. Pero e ta e Kreador di tur kos bibu. (Revelashon 4:11) P’esei, Beibel ta yama Adam, e promé hende ku Dios a krea, “yu di Dios.” (Lukas 3:38) Asina tambe Beibel ta bisa ku ta Dios a krea Hesus. Pues, Hesus tambe ta ser yamá “Yu di Dios.”—Huan 1:49.

Dios a krea Hesus promé ku el a krea Adam. Apòstel Pablo a skirbi tokante Hesus: “E ta e imágen di e Dios invisibel, e promé di tur kreashon.” (Kolosensenan 1:15) Hesus su bida a kuminsá hopi promé ku el a nase den un pesebre na Bètlehèm. De echo, Beibel ta bisa ku “su orígen ta for di hopi tempu pasá, for di e dianan di eternidat.” (Mikéas 5:2, Beibel Santu) Komo e promé yu di Dios, Hesus tabata un kriatura spiritual den shelu promé ku el a nase aki riba tera komo hende. Hesus mes a bisa: ‘Mi a baha for di shelu.’—Huan 6:38; 8:23.