E kontesta ku Beibel ta duna

Bida ta sagrado pa Dios, i e ta konsiderá asta un èmbrio—un yu ku ta formando den barika—komo un ser bibu i úniko. Refiriendo na Dios, Rei David a skirbi bou di inspirashon: “Bo wowonan a mira mi supstansia sin forma [òf, “a mira ora mi tabata un èmbrio,” NW].” (Salmo 139:16, Beibel Santu) E lei di Dios a bisa: “Den kaso ku algun hòmber ta lucha ku otro i nan lastimá un muhé na estado . . . si un aksidente fatal sosodé, e ora ei bo tin ku duna alma pa alma.” (Éksodo 21:22, 23) Pues, den bista di Dios, mata un yu ku no a nase ainda ta asesinato.—Éksodo 20:13.

Pero kiko si durante di parto surgi un emergensia ku ta obligá un pareha pa skohe entre bida di e mama òf bida di e yu? Den un kaso asina, ta e pareha mester disidí bida di ken nan lo purba di salba.