Dikon hopi hende ta kere den un Kreador?

Bida ta un milager, no ta bèrdat?

Un 3.000 aña pasá, un poeta a skirbi: “Mi ta trahá na un manera temerosamente maravioso.” (Salmo 139:14) Tuma por ehèmpel un bebi. Ora bo pensa kon e ta ser formá, esta for di un solo sèl, bo no ta keda sumamente impreshoná? Hopi hende ta kere ku bida ta obra di un Kreador.—Lesa Salmo 139:13-17; Hebreonan 3:4.

Ta e Kreador di bida ta Esun ku a krea universo i prepará tera komo un lugá di biba. (Salmo 36:9) El a komuniká ku hende i a konta nos tokante su persona.—Lesa Isaías 45:18.

Hende a bini for di bestia?

Tin hopi similaridat entre kurpa di hende i esun di bestia. Esei ta asina pasobra e Kreador a krea tantu hende komo bestia pa biba riba tera. Pero el a krea hende for di stòf di tera, no for di bestia.—Lesa Génesis 1:24; 2:7.

Tin dos kos importante ku ta hasi hende distinto for di bestia. Pa di promé, hende tin e kapasidat di siña konosé, respetá i stima e Kreador. Di dos, bestia no a ser kreá pa biba pa semper, pero hende . No opstante, hende ta muri awendia. Dikon? Pasobra e promé hòmber a rechasá guia di e Kreador.—Lesa Génesis 1:27; 2:15-17.