Ken ta bai shelu, i kiko nan lo bai hasi einan?

Miónes di hende ta spera di bai shelu ora nan muri. Hesus a bisa ku su fiel apòstelnan lo bai biba den shelu. Promé ku su morto, el a primintí nan ku e ta bai prepará un lugá pa nan serka su Tata Selestial.Lesa Huan 14:2.

Dikon hende lo ser resusitá pa bai biba den shelu? Kiko nan lo bai hasi einan? Hesus a bisa su apòstelnan ku nan lo bira rei i ku nan lo goberná e tera.Lesa Lukas 22:28-30; Revelashon 5:10.

Ta bèrdat ku tur bon hende ta bai shelu?

Meskos ku un pais ta ser goberná pa un grupo chikí di hende, e tera tambe lo ser goberná pa un grupo chikí di hende ku Hesus a skohe pa bai biba den shelu. (Lukas 12:32) Beibel ta bisa eksaktamente ta kuantu hende lo goberná huntu ku Hesus.Lesa Revelashon 14:1.

Hesus a prepará un lugá den shelu pa algun di su siguidónan. Bo sa kiko nan lo bai hasi einan?

No ta hende ku ta bai shelu so lo haña un rekompensa. Tur hende ku ta fiel na Hesus su gobernashon lo biba pa semper den un paradeis aki riba tera. (Huan 3:16) Algun lo sobrebibí e destrukshon di e era malbado akí i drenta den e paradeis. Otronan lo ser resusitá pa biba den e paradeis.Lesa Salmo 37:29; Huan 5:28, 29.