FOR di 1992 bini ariba, Kuerpo Gobernante a nombra ansianonan maduro i ku eksperensia pa yuda e komiténan di Kuerpo Gobernante kumpli ku nan tareanan. * E ansianonan akí, ku ta forma parti di e ‘otro karnénan,’ ta duna bon apoyo na e Kuerpo Gobernante. (Huan 10:16) Tur siman nan ta asistí na e reunion di e komité ku nan ta asigná, i nan ta duna informashon i sugerensia. Aunke e miembronan di Kuerpo Gobernante ta esnan ku ta tuma e desishonnan final, ta e ayudantenan ta implementá esakinan, i nan ta kumpli ku kualke tarea ku nan haña. E ayudantenan ta kompañá e miembronan di Kuerpo Gobernante ora nan ta bai kongresonan spesial i internashonal. Ademas, nan por haña un asignashon pa bishitá sukursalnan komo representante di e sede mundial.

Un di e rumannan ku a sirbi komo ayudante for di dia ku e areglo akí a drenta na vigor a bisa: “Ora mi kumpli ku mi asignashon, Kuerpo Gobernante por konsentrá mas riba su responsabilidatnan.” Un otro ruman ku tin 20 aña kaba ta sirbi komo ayudante a bisa: “Nunka mi por a ferwagt di haña un asignashon asina. E ta ègt un privilegio.”

Kuerpo Gobernante a konfia e rumannan leal akí ku hopi responsabilidat i ta apresiá e bon trabou ku nan ta hasi. Laga nos “sigui apresiá e tipo di ruman hòmbernan akí.”​—Flp. 2:29.

^ par. 2 Wak página 131 di e buki E Reino di Dios Ta Goberná! pa bo haña sa ki responsabilidat e seis komiténan di Kuerpo Gobernante tin.