Si un kristian pasa anochi huntu ku un persona di e sekso opuesto sin ku nan ta kasá, nan a kometé un piká ku mester forma un komité hudisial?

Dependé. Si no tin ningun motibu bálido pakiko nan a pasa anochi huntu, mester forma un komité hudisial si indirektamente tin prueba sólido ku inmoralidat seksual lo por a tuma lugá.—1 Kor. 6:18.

E kuerpo di ansiano mester evaluá kada situashon bon pa mira si ta nesesario pa forma un komité hudisial. Por ehèmpel, e pareha tin un relashon romántiko ku otro? Nan a yega di ser konsehá kaba tokante nan kondukta? Kon bini nan a pasa anochi huntu? Nan a plania adelantá pa hasi esaki? A sosodé algu ku ta fuera di nan kontrol òf un situashon a presentá ku a obligá nan pasa anochi huntu debí na suseso imprevisto òf un berdadero emergensia? (Ekl. 9:11NW) Ki palabrashon tabatin tokante lugá di drumi? Siendo ku kada kaso ta distinto, lo tin otro faktor relevante ku e ansianonan mester analisá.

Despues di a analisá e kaso, e kuerpo di ansiano lo disidí si ta nesesario pa forma un komité hudisial òf nò.