Bai na kontenido

Bai na kontenido

 NOS BIDA KRISTIAN

Kon pa Mehorá Bo Sirbishi: Yuda Bo Studiante di Beibel Yega na Dedikashon i Boutismo

Kon pa Mehorá Bo Sirbishi: Yuda Bo Studiante di Beibel Yega na Dedikashon i Boutismo

DIKON ESAKI TA IMPORTANTE: Pa studiantenan di Beibel haña aprobashon di Dios, nan mester dediká nan bida na Yehova i batisá. (1Pe 3:21) I si nan sigui biba di akuerdo ku nan dedikashon, nan lo haña protekshon den sentido spiritual. (Sl 91:1, 2) Un kristian ta dediká su mes na Yehova i no na hende, un obra òf un organisashon. P’esei, un studiante tin ku kultivá amor i apresio pa Yehova.—Rom 14:7, 8.

KON PA HASI ESAKI:

  • Durante e estudio, analisá kiko e informashon ta siña nos tokante Yehova. Enfatisá e importansia di lesa Beibel tur dia i di hasi orashon “konstantemente.”—1Te 5:17; Snt 4:8

  • Animá bo studiante pa pone meta pa dediká su bida na Dios i batisá. Mientrastantu, yud’é alkansá otro metanan tambe, manera duna komentario na reunion òf duna testimonio na bisiña òf kolega di trabou. Kòrda ku Yehova no ta obligá niun hende pa sirbié. Ta e studiante mes tin ku tuma e desishon pa dediká su bida na Dios.—Deu 30:19, 20

  • Motivá bo studiante pa hasi e kambionan nesesario pa e por agradá Yehova i kualifiká pa boutismo. (Pro 27:11) Komo ku algun karakterístika i hábito por ta difísil pa kambia, kisas lo bo mester sigui yuda e studiante pa e kita e personalidat bieu i bisti esun nobo. (Efe 4:22-24) Mustr’é algun artíkulo di e seri “Beibel Ta Kambia Bida di Hende” den E Toren di Vigilansia

  • Konta bo studiante di e goso ku bo tin sirbiendo Yehova.—Isa 48:17, 18