Bai na kontenido

Bai na kontenido

 NOS BIDA KRISTIAN

Abo Ta Usa e Karchi di Kontakto di JW.ORG?

Abo Ta Usa e Karchi di Kontakto di JW.ORG?

E tribulashon grandi ta serka, pues nos trabou di prediká ta masha urgente. (Pro 24:11, 12, 20) Pa yuda hende, nos por usa e karchi di kontakto di JW.ORG pa hala nan atenshon na e Palabra di Dios i nos website. Parti patras di e karchi tin un kódigo ku ta dirigí hende na e vidio Dikon Analisá Loke Beibel Ta Bisa? i na un invitashon pa pidi mas informashon òf un kurso di Beibel. Tin hende no ta aseptá nos publikashonnan, pero nan ta dispuesto pa bishitá nos website. No duda pa duna nan un karchi. Sinembargo, no duna e karchi na hende ku no ta interesá den e mensahe.

Segun ku bo ta hasi bo keasernan di tur dia, bo por lanta interes di un hende bisando: “Mi tin algu pa bo. E karchi akí ta di un website ku tin informashon i vidio grátis tokante diferente tópiko.” (Hua 4:7) Komo ku e karchi ta chikitu, ta fásil pa bo kana ku un par pa duna hende asina ku un oportunidat presentá.