Bai na kontenido

Bai na kontenido

 NOS BIDA KRISTIAN

Kon Nos por Duna Bon Komentario

Kon Nos por Duna Bon Komentario

Ora nos duna bon komentario, nos ta fortalesé e kongregashon. (Rom 14:19) I nos mes ku a duna komentario ta benefisiá. (Pro 15:23, 28) P’esei, nos mester hasi esfuerso pa duna por lo ménos un komentario na kada reunion. Ta klaru sí ku no ta tur biaha ku nos hisa man, nos ta haña bùrt. P’esei, ta bon pa nos prepará vários komentario.

Un bon komentario . . .

  • ta simpel, kla i breve. I kasi semper, por dun’é den 30 sekònde òf ménos

  • ta un komentario ku bo ta duna den bo mes palabranan

  • no ta ripitishon di loke un otro persona a bisa kaba

Si bo ta duna e promé komentario riba un pregunta, . . .

  • duna un kontesta simpel i dirèkt

Si nan a kontestá e pregunta kaba, bo por . . .

  • mustra kon un teksto di Beibel menshoná ta apoyá e paragraf

  • splika kon nos por apliká e informashon den nos bida

  • mustra kon nos por usa e informashon pa yuda otro hende

  • konta un eksperensia kòrtiku ku ta resaltá e punto prinsipal