E Lei di Moises a eksigí pa un hòmber ku kier a divorsiá prepará un dokumento legal. Meta di esei tabata pa prevení ku hende ta kore divorsiá. Sinembargo, den tempu di Hesus, lidernan religioso a hasié fásil pa hende divorsiá. Un hòmber por a divorsiá di su kasá pa kualke motibu. (“karta di divorsio” nota di estudio pa Mar 10:4, nwtsty; “divorsiá di su esposa,” “kometé adulterio kontra su esposa” nota di estudio pa Mar 10:11, nwtsty) Hesus a hala atenshon na e echo ku ta Yehova mes ta esun ku a aprobá i instituí matrimonio. (Mar 10:2-12) Un esposo i su esposa mester a bira “ún karni,” esta, forma un union permanente. Segun e relato paralelo di Mateo, e úniko base bíbliko pa divorsio ta “fornikashon.”—Mat 19:9.

Awendia, hopi hende ku no ta sirbi Yehova ta mira matrimonio manera e fariseonan, i no manera Hesus. Ora problema presentá, nan ta kla pa divorsiá. Pero, parehanan kristian ta diferente. Nan ta tuma nan voto matrimonial na serio i ta hasi esfuerso pa solushoná problema aplikando loke Beibel ta bisa. Despues di wak e vidio Amor i Rèspèt Ta Uni Famia, kontestá e siguiente preguntanan:

  • Kon Proverbionan 15:1 por yuda bo matrimonio, i dikon ta importante pa bo apliká e teksto akí?

  • Kon bo por evitá problema aplikando Proverbionan 19:11?

  • Si bo matrimonio ta a punto di kibra, ki pregunta bo mester hasi bo mes en bes di pensa riba divorsio?

  • Kon Mateo 7:12 por yuda bo ta un mihó kasá?