Bai na kontenido

Bai na kontenido

 NOS BIDA KRISTIAN

Abo Ta Usando JW Library?

Abo Ta Usando JW Library?

JW Library ta un app (programa di kòmpiuter) grátis ku ta permití bo download Beibel i otro publikashonnan, inkluso vidio i grabashon oudio riba bo telefòn, tablet òf kòmpiuter.

KON PA INSTAL’É: Bai online i instalá JW Library via di un app store. Miéntras bo ta online, habri JW Library i skohe loke bo ke download. Si bo no tin Internet na kas, kisas bo por bai online na Salòn di Reino, biblioteka públiko òf otro lugánan ku ta brinda akseso na Internet. Unabes bo download un publikashon, bo no mester ta online pa us’é. Debí ku JW Library regularmente tin updates ta bon pa ratu ratu bo bai online pa instalá esnan ku ta disponibel.

PAKIKO MESTER DI DJE? JW Library ta masha útil pa estudio personal, reunion i sirbishi. Algun publikadó ta haña ku e ta yuda nan mashá ora nan ta prediká informalmente.