Bai na kontenido

Bai na kontenido

 NOS BIDA KRISTIAN

Kon pa Mehorá Bo Sirbishi​—⁠Hasi Bon Uso di Pregunta

Kon pa Mehorá Bo Sirbishi​—⁠Hasi Bon Uso di Pregunta

DIKON ESAKI TA IMPORTANTE: Si pensamentu òf “plan den kurason di un hende ta manera awa hundu,” e ora ei pregunta ta manera un hèmber ku ta saka nan afó. (Pro 20:5) Pregunta bon pensá ta duna nos oyente chèns di bisa su opinion. Kontesta riba preguntanan asina hopi biaha ta duna informashon balioso. Hesus a hasi bon uso di pregunta. Kon nos por imit’é?

KON PA HASI ESAKI:

  • Puntra e persona su opinion. Hesus a hasi vários pregunta pa haña sa kiko su disipelnan tabata pensa. (Mat 16:13-16; be 238 §3-5) Ki pregunta por yuda bo haña sa un persona su opinion?

  • Guia e persona ku pregunta. Pa korigí loke Pedro tabata pensa, Hesus a hasié pregunta i a dun’é opshon ku lo a yud’é yega na e konklushon korekto. (Mat 17:24-26) Ki pregunta bo por hasi pa yuda un persona yega na e konklushon korekto?

  • Elogiá e persona. Hesus a elogiá un eskriba ku a duna un kontesta inteligente. (Mar 12:34) Kon bo por elogiá un persona ku kontestá un pregunta?

DESPUES DI WAK E PROMÉ PARTI DI E VIDIO HASI E TRABOU KU HESUS A HASI—SIÑA HENDE, KONTESTÁ E SIGUIENTE PREGUNTANAN:

  • E informashon ku e ruman a duna ta korekto. Pero dikon nos por bisa ku su manera di siña sí no ta korekto?

  • Dikon nos no mester djis duna informashon?

DESPUES DI WAK E DI DOS PARTI DI E VIDIO, KONTESTÁ E SIGUIENTE PREGUNTANAN:

  • Dikon nos por bisa ku preguntanan ku e ruman a hasi tabata bon pensá?

  • Den ki otro maneranan nos por imitá e ruman?

Kon hende ta reakshoná na nos manera di siña? (Luk 24:32)