Bai na kontenido

Bai na kontenido

 NOS BIDA KRISTIAN

“Onra Bo Tata i Bo Mama”

“Onra Bo Tata i Bo Mama”

Tempu Hesus tabata riba tera, el a enfatisá e siguiente mandamentu: “Onra bo tata i bo mama.” (Éks 20:12; Mat 15:4) Hesus por a bisa esei ku tur frankesa pasobra tempu e tabata hóben, e tabata sumiso, esta, obedesidu, na su mayornan. (Luk 2:51) Komo adulto, djis promé ku su morto, el a hasi sigur ku un hende lo a kuida su mama.—Hua 19:26, 27.

Awe tambe, hóbennan ta onra nan mayornan ora nan ta obedesé nan i papia ku nan na un manera respetuoso. De echo, sin importá kon grandi nos ta, e mandamentu di onra nos mayornan semper ta konta. Asta ora nos mayornan ta di edat avansá, nos mester sigui mustra nan onor. Por ehèmpel, nos ta hasi esei ora nos ta tuma nan konseho na pechu. (Pro 23:22) Ademas, nos ta mustra nan onor ora nos ta perkurá pa nan nesesidat emoshonal i finansiero, si ta nesesario. (1Ti 5:8) Sea ku nos ta hóben òf adulto, un di e mihó maneranan pa onra nos mayornan ta di papia ku nan regularmente.

DESPUES DI WAK E VIDIO DI PINTAMENTU RIBA BÒRCHI KON MI POR PAPIA KU MI MAYORNAN?, KONTESTÁ E SIGUIENTE PREGUNTANAN:

  • Dikon tin biaha bo por sinti ku ta difísil pa papia ku bo mayornan?

  • Kon bo por onra bo mayornan ora bo ta papia ku nan?

  • Dikon ta bale la pena pa papia ku bo mayornan? (Pro 15:22)

    Ora bo ta papia ku bo mayornan, esei por yuda bo tin éksito den bida