Hesus a bisa: “Boso a risibí pòrnada, duna pòrnada.” (Mat 10:8) Nos ta obedesé e instrukshon akí i no ta kobra hende pa Beibel òf nos publikashonnan basá riba Beibel. (2Ko 2:17) Sinembargo, e publikashonnan akí ta kontené bèrdatnan balioso di e Palabra di Dios. Ademas, pa imprimí i manda literatura na tur kongregashon rònt mundu ta kosta hopi plaka i esfuerso. P’esei, nos mester tuma solamente e publikashonnan ku nos mester.

Usa disernimentu ora di duna hende literatura, asta ora bo ta prediká na lugánan públiko. (Mat 7:6) En bes di simplemente duna hende ku ta kana pasa literatura, hasi esfuerso pa kòmbersá ku nan pa bo haña sa si nan tin interes. Bo kontesta pa por lo ménos un di e preguntanan den e kuadro di e artíkulo akí ta ‘sí’? Si bo no por determiná si un persona ta realmente interesá, ta mihó pa dun’é un tratado. Pero, si e pidi bo un revista òf otro publikashon, dun’é un libremente.—Pro 3:27, 28.