Bai na kontenido

Bai na kontenido

 NOS BIDA KRISTIAN

Kantikanan di Reino Ta Animá Nos

Kantikanan di Reino Ta Animá Nos

Tempu ku Pablo i Sílas tabata den prizòn, nan a alabá Dios ku kantika. (Ech 16:25) Den nos tempu, nos rumannan tabata kanta kantika di Reino tempu ku nan tabata den kampo di konsentrashon na Sachsenhausen na Alemania i durante eksilio na Siberia. E ehèmpelnan akí ta mustra e poder ku kantika tin pa animá kristiannan ku ta konfrontá situashonnan difísil.

Pronto e buki di kantika nobo, Kanta ku Alegria pa Yehova, lo ta disponibel na hopi idioma. Mientrastantu, nos por usa nos buki di kantika aktual pa train e kantikanan durante nos Adorashon Komo Famia pa asina nos por memorisá nan. (Efe 5:19) Anto si nos haña nos ku prueba, spiritu santu lo yuda nos kòrda e letranan. Kantika di Reino por yuda nos tene nos speransa bibu. Nan por animá nos den situashonnan difísil. Asta ora nos no ta pasando den prueba, e letranan edifikante di e kantikanan ta motivá nos pa “kanta ku alegria” debí ku nos ta sinti nos bon. (1Kr 15:16; Sl 33:1-3) P’esei, laga nos semper hasi bon uso di nos kantikanan di Reino!

WAK E VIDIO UN KANTIKA KU A ANIMÁ E RUMANNAN, I DESPUES KONTESTÁ E SIGUIENTE PREGUNTANAN:

  • Kiko a motivá Ruman Frost pa komponé un kantika?

  • Kon e kantika a animá e rumannan den e kampo di konsentrashon na Sachsenhausen?

  • Na ki momentonan kantika di Reino por fortalesé bo?

  • Kua kantika di Reino lo bo ke siña for di kabes?