Bai na kontenido

Bai na kontenido

 NOS BIDA KRISTIAN

Animá Rumannan Inaktivo

Animá Rumannan Inaktivo

Tur aña, hopi ruman inaktivo ta bini Memorial. Nan a kuminsá kore e kareda pa bida, pero despues di tempu, pa un òf otro motibu, nan a baha nan velosidat. E foyeto Bolbe Serka Yehova ta menshoná algun di e motibunan ei. (Heb 12:1) No opstante, rumannan inaktivo ta presioso den bista di Yehova. El a kumpra nan ku sanger di su Yu. (Ech 20:28; 1Pe 1:18, 19) P’esei, kiko nos por hasi pa yuda e rumannan akí bolbe serka Yehova?

Meskos ku un wardadó di karné ta hasi tur su esfuerso pa haña un karné ku a dual for di e tou, asina tambe ansianonan ta hasi esfuerso pa buska i yuda rumannan inaktivo. (Luk 15:4-7) Esaki ta demostrá kuantu Yehova ta stima rumannan inaktivo. (Yer 23:3, 4) Pero no ta e ansianonan so mester animá e rumannan akí; nos tur por hasi esei. I tur loke nos hasi pa mustra amor i bondat na rumannan inaktivo ta balioso den bista di Yehova, i Yehova lo bendishoná nos esfuersonan. (Pro 19:17; Ech 20:35) P’esei, pensa riba un ruman ku bo por yuda, i purba di yud’é sin tarda.

WAK E VIDIO LAGA NOS ANIMÁ RUMANNAN INAKTIVO, I DESPUES KONTESTÁ E SIGUIENTE PREGUNTANAN:

  • Kiko Abbey a hasi ora el a topa un Testigu ku e no tabata konosé?

  • Dikon nos mester papia ku e ansianonan promé ku nos bai purba di yuda un ruman inaktivo?

  • Kon Abbey a prepará su mes promé ku el a bai bishitá Laura pa di dos biaha?

  • Kon Abbey a demostrá pasenshi i amor?

  • Kiko nos por siña for di e ilustrashon di Hesus na Lukas 15:8-10?

  • Kiko tabata e bon resultado di e esfuersonan ku tur e rumannan a hasi pa yuda Laura?