Bai na kontenido

Bai na kontenido

Banda robes: Polis ta arestá un ruman pasobra e ta prediká na Eindhoven, Hulanda, 1945; Banda drechi: Den bo pais, lei ta protehá bo derecho di prediká?

 SEKSHON 4

Viktorianan di Reino—E Lucha pa Establesé e Derecho Legal di Prediká e Bon Notisia

Viktorianan di Reino—E Lucha pa Establesé e Derecho Legal di Prediká e Bon Notisia

 BO TA predikando di kas pa kas i ta tende un sirena ta zona leu ayá. Ora bo kuminsá papia ku e siguiente doño di kas, e zonido di sirena ta yega mas serka. E ruman ku ta kompañá bo su tinu ta kita ora ku un outo di polis kore yega i para na kantu. Un polis ta baha for di e outo i kana bini serka boso. E ta bisa: “Ta boso ta e hendenan ku ta kana papia over di Beibel di kas pa kas? Nos a haña vários keho!” Boso ta kontest’é kortesmente i ta identifiká boso mes komo Testigu di Yehova. Kiko lo pasa ku boso e ora ei?

Esaki ta dependé pa un gran parti di historia. Kon e gobièrnu di e pais kaminda bo ta biba a trata ku Testigunan di Yehova atraves di añanan? Tin un grado di libertat religioso? Si ta asina, esei muy probablemente ta pasobra bo rumannan spiritual atraves di dékadanan a traha duru pa “defendé e bon notisia i establesé e derecho legal di predik’é.” (Flp. 1:7) Sin importá unda bo ta biba, bo por fortalesé bo fe mashá si bo meditá riba e registro di viktorianan legal di Testigunan di Yehova. Den e sekshon akí, nos lo analisá algun kaso di e registro notabel ei. Nos viktorianan ta duna prueba konvinsente ku e Reino ta un realidat, pasobra hamas nos lo por tabatin asina tantu éksito riba nos mes forsa!

DEN E SEKSHON AKÍ

KAPÍTULO 13

Predikadónan di Reino Ta Hiba Nan Kaso Korte

Huesnan den algun korte supremo djawe tin e mesun punto di bista ku Gamaliel, e maestro di Lei di antigwedat.

KAPÍTULO 14

E Pueblo di Dios Ta Apoyá e Gobièrnu di Dios So

Un fuente inesperá a guli e “riu” di persekushon ku a basha riba Testigunan di Yehova pa motibu di nan posishon neutral den asuntunan polítiko.

KAPÍTULO 15

E Lucha pa e Libertat di Adorá Dios

E pueblo di Dios a lucha pa e derecho di obedesé lei, e lei di e Reino di Dios.