Bai na kontenido

Bai na kontenido

Banda robes: Un ruman muhé na Alabama, Merka, ta toka un diskurso grabá di Ruman Rutherford, final di dékada di 1930; Banda drechi: Suisa

 SEKSHON 1

Bèrdatnan di Reino—Kuminda Spiritual na e Debido Tempu

Bèrdatnan di Reino—Kuminda Spiritual na e Debido Tempu

 BO STUDIANTE su kara ta kuminsá bria segun ku e ta komprondé kiko e teksto bíbliko ku boso a kaba di lesa huntu ta nifiká. E ta puntra pensativamente: “Bo ke men ku Beibel ta bisa ku nos por biba pa semper den Paradeis? Aki riba tera mes?” Ku un sonrisa, e ruman ku ta kompañá bo ta puntr’é: “Wèl, kiko bo a lesa den Beibel?” Babuká, e studiante ta sagudí kabes, bisando: “Mi no por kere ku nunka promé niun hende no a siña mi esaki!” Anto bo ta kòrda ku algun siman pasá el a bisa e mesun kos ora el a haña sa pa promé biaha ku e nòmber di Dios ta Yehova.

E tipo di eksperensianan ei ta un di e kosnan ku mas ta laga nos mira ki un regalo presioso nos a risibí, esta, konosementu di e bèrdat! Hopi ruman a yega di tin un eksperensia asina. Abo tambe? Pero para ketu un ratu i puntra bo mes: Kon e regalo ei a yega te serka mi? Nos lo analisá e pregunta ei den e sekshon akí. E pueblo di Dios a haña komprondementu spiritual na un manera progresivo. E manera ku esei a tuma lugá, riba su mes kaba, ta un prueba konvinsente ku e Reino di Dios ta real. Pa 100 aña kaba, Hesukristu, Rei di e Reino ei, a bin ta sòru pa e pueblo di Dios siña e bèrdat.

DEN E SEKSHON AKÍ

KAPÍTULO 3

Yehova Ta Revelá Su Propósito

E Reino tabata parti Dios su propósito original? Kon Hesus a trese klaridat riba e Reino?

KAPÍTULO 4

Yehova Ta Halsa Su Nòmber

Kiko e Reino a logra en konekshon ku e nòmber di Dios? Kon abo personalmente por yuda santifiká e nòmber di Yehova?

KAPÍTULO 5

E Rei Ta Laga Lus Bria Riba e Reino

Haña un komprondementu mas kla tokante e Reino di Dios i su gobernantenan i su siudadanonan i tokante kiko lealtat na e Reino ta enserá.