Bai na kontenido

Bai na kontenido

Banda robes: Un ruman muhé pionero ta prediká na Korea, 1931; Banda drechi: Rumannan predikando awendia na idioma di seña na Korea

 SEKSHON 2

Predikashon di Reino—E Pueblo di Dios Ta Plama e Bon Notisia Rònt Mundu

Predikashon di Reino—E Pueblo di Dios Ta Plama e Bon Notisia Rònt Mundu

 BO TA preparando pa bai sirbishi mainta trempan riba bo dia liber. Bo ta sinti bo un poko kansá i ta duda un ratu si bo mester bai. Esta dushi lo ta si bo keda kas sosegá awe mainta! Pero bo ta hasi orashon i ta disidí di bai tòg. Bo ta traha den sirbishi ku un ruman muhé di edat, i su fieldat, perseveransia i bondat ta konmové bo. Segun ku bo ta kompartí e mensahe di e bèrdat di kas pa kas, bo ta realisá ku bo rumannan rònt mundu ta kompartiendo e mesun mensahe akí i ta usa e mesun literatura. Boso tur ta benefisiá di e mesun entrenamentu. Bo ta yega kas bèk yen di ánimo i kontentu ku bo no a keda kas!

Aktualmente, e sirbishi kristian ta e obra prinsipal di e Reino di Dios. Hesus a profetisá ku e trabou di prediká lo a yega na tur parti di mundu den e último dianan. (Mat. 24:14) Kon e profesia ei a kumpli? Den e sekshon akí, nos lo analisá e hendenan, e métodonan i e hèrmèntnan ku tabata asina importante den e sirbishi kristian i ku a yuda miónes di persona rònt mundu mira e Reino di Dios komo un gobièrnu real.

 

DEN E SEKSHON AKÍ

KAPÍTULO 6

Un Pueblo Ku Ta Prediká—E Predikadónan Ta Ofresé Nan Mes di Buena Gana

Dikon Hesus tabatin sigur ku lo e tin un ehérsito di hende ku lo apoy’é di buena gana den e último dianan? Kon bo por demostrá ku bo ta buskando promé e Reino?

KAPÍTULO 7

Algun Método di Prediká—Usando Tur Medio pa Alkansá Hende

Siña tokante e téknikanan inovativo ku e pueblo di Dios a usa pa alkansá mas tantu hende posibel ku e bon notisia promé ku e fin bini.

KAPÍTULO 8

Hèrmènt pa Prediká—Produkshon di Literatura pa e Kampo Mundial

Kon nos trabou di tradukshon ta duna prueba ku Hesus ta apoyá nos? Kiko tokante nos publikashonnan ta un prueba pa bo ku e Reino ta real?

KAPÍTULO 9

Resultado di e Obra di Predikashon—“E Kunukunan . . . Ta Kla pa Kosechá”

Hesus a siña su disipelnan dos lès importante tokante e gran kosecha spiritual. Ki efekto e lèsnan ei tin riba nos awe?