Bai na kontenido

Bai na kontenido

 LÈS 8

Ilustrashon Instruktivo

Ilustrashon Instruktivo

Mateo 13:34, 35

RESÚMEN: Mehorá bo manera di siña hende usando ilustrashon simpel ku ta kapta atenshon di bo oyentenan i ku ta siña nan e puntonan importante.

KON PA LOGR’É:

  • Skohe ilustrashon simpel. Meskos ku Hesus, usa kos chikitu pa splika kos grandi, i kos fásil pa splika kos difísil. No agregá detaye innesesario ku ta hasi bo ilustrashon kompliká. Hasi sigur ku e elementonan den bo ilustrashon ta kuadra ku e lès ku bo ke trese dilanti, ya bo oyentenan no ta keda konfundí pasobra algun detaye no ta kuadra.

  • Pensa riba bo oyentenan. Skohe ilustrashon ku tin di haber ku e aktividatnan di bo oyentenan i ku loke ta interesá nan. Tene kuidou pa bo ilustrashonnan no ofendé bo oyentenan ni laga nan sinti bèrgwensa.

  • Splika e punto prinsipal. Usa ilustrashon pa splika e puntonan prinsipal, no e detayenan chikitu. Hasi sigur ku bo oyentenan ta keda kòrda e lès tras di e ilustrashon i no e ilustrashon so.