1 Korintionan 9:19-23

RESÚMEN: Stimulá bo oyentenan pa pensa riba e tema, i laga nan sinti ku nan a siña algu ku ta bale la pena.

KON PA LOGR’É:

  • Tene kuenta ku loke bo oyentenan sa kaba. En bes di djis ripití algu ku nan a yega di tende kaba, yuda nan mira e tópiko for di un otro ángulo.

  • Investigá i meditá. Ora ta posibel, inkluí informashon ménos konosí òf suseso aktual pa ilustrá e ideanan klave. Meditá riba bo ideanan klave i e konekshon ku tin entre nan i e informashon ku bo ke inkluí.

  • Mustra kon práktiko bo mensahe ta. Splika kon prinsipio di Beibel por yuda bo oyentenan den nan bida diario. Trata situashon, aktitut i echo ku ta relevante pa bo oyentenan.